Ritesh Deshmukh Bold Look : रितेश देशमुखचा काळ्या सूटमधील बोल्ड लूक; सोशल मीडियावर फोटो व्हायरल

प्रसिद्ध अभिनेता रितेश देशमुख याने सोशल मीडियावर काही खास फोटो शेअर केले आहेत. नुकत्याच पार पडलेल्या मराठी बिग बॉस या कार्यक्रमात सूत्रसंचालन करीत रितेशने प्रेक्षकांचे भरपूर प्रेम मिळवले. असे म्हटले जाते की, रितेशने केलेल्या सूत्रसंचालन व बिग बॉसमधील 'भाऊचा धक्का' या खास सेग्मेंटमुळे यंदाच्या मराठी बिग बॉसने सर्वोत्तम टीआरपी कमावला. अभिनेता सोशल मीडियावर नेहमीच सक्रिय असून, प्रेक्षकांशी फोटो ॲण्ड व्हिडीओद्वारे परस्पर संवाद साधत असतो. सोशल मीडियावर शेअर केलेल्या या लूकसाठी रितेशने काळ्या रंगाचा सूट परिधान केला आहे. सूटमधील या कोटाला पांढऱ्या रंगाच्या छोट्या टिकल्यांनी सजविले आहे. या फोटोशूटमध्ये रितेशने खुर्चीवर बसून बोल्ड पोज दिल्या आहेत. सोशल मीडियावर केलेल्या या पोस्टसह रितेशने कॅप्शन देत, 'In a world of trends, the black suit reigns eternal' असे म्हटले आहे. (सर्व फोटो सौजन्य : रितेश देशमुख / इंस्टाग्राम)