Photos: लग्नाच्या पहिल्या वाढदिवसानिमित्ताने योगिता चव्हाण व सौरभ चौघुलेची परदेशवारी, फोटो झाले व्हायरल

‘कलर्स मराठी’ वाहिनीवरील गाजलेल्या मालिकांपैकी एक म्हणजे ‘जीव माझा गुंतला’. या मालिकेने दोन वर्ष प्रेक्षकांच्या मनावर अधिराज्य गाजवलं. या मालिकेतील अंतरा व मल्हाराच्या जोडीला प्रेक्षकांनी अक्षरशः डोक्यावर घेतलं. अभिनेत्री योगिता चव्हाणने अंतरा आणि अभिनेता सौरभ चौघुलने मल्हारची भूमिका साकारली होती. ‘जीव माझा गुंतला’ मालिका संपल्यानंतर काही महिन्यांनी अंतरा व मल्हार म्हणजेच योगिता व सौरभ आयुष्यभराचे जोडीदार झाले. गेल्यावर्षी ३ मार्चला योगिता व सौरभचं मोठ्या थाटामाटात लग्न झालं. अचानक दोघांनी लग्नाचे फोटो शेअर करून चाहत्यांना सुखद धक्का दिला होता. आज योगिता व सौरभच्या लग्नाला एक वर्षपूर्ण झालं आहे. यानिमित्ताने दोघं विदेशात फिरायला गेले आहेत. सौरभ चौघुलने लग्नाच्या वाढदिवसानिमित्ताने इन्स्टाग्रामवर नुकतीच खास पोस्ट शेअर केली आहे. सौरभने योगिताबरोबरचे काही फोटो शेअर करत लिहिलं आहे, “सगळ्यासाठी तुझे आभार आहे. लग्नाच्या पहिल्या वाढदिवसाच्या शुभेच्छा.” सौरभने योगिताबरोबरचे शेअर केलेले फोटो हे इंडोनेशियातील बालीमधील आहेत. लग्नाच्या पहिल्या वाढदिवसानिमित्ताने सौरभ व योगिता बालीला फिरायला गेले आहेत. फोटोमध्ये योगिता शेवाळी रंगाच्या आउटफिटमध्ये दिसत आहे. तर सौरभ पांढरा शर्ट आणि कार्गोमध्ये पाहायला मिळत आहे. या फोटोमध्ये सौरभ योगिताच्या गालावर किस करताना दिसत आहे. ( सर्व फोटो सौजन्य - योगिता चव्हाण आणि सौरभ चौघुले इन्स्टाग्राम )