PHOTOS: अजित पवार आणि सुप्रिया सुळे यांनी सर केला ‘सिंहगड’

उपमुख्यमंत्री अजित पवार, खासदार सुप्रिया सुळे यांनी सिंहगड किल्ला सर केला. उपमुख्यमंत्री अजित पवार यांच्या हस्ते किल्ले सिंहगड व परिसरातील पर्यटनास चालना देणाऱ्या 'माझा सिंहगड,माझा अभिमान' हा उपक्रम आणि वन विभागाच्या वन्यजीव प्राणी सप्ताहाचे उद्घाटन झाले.या अभियानाच्या अंतर्गत पर्यटनासाठी आवश्यक सुविधांचा विकास करण्यात येणार आहे.किल्ले सिंहगड पुणे शहराच्या अगदी जवळ आहे.सिंहगडावर पर्यटकांची वर्दळ असते. याचा पर्यटनाच्या दृष्टीने विकास कसा करता येऊ शकतो याबाबत गेली काही दिवसांपासून विविध पातळ्यांवर विचार विनिमय सुरु होता.नुकताच वन विभागाचे अधिकारी, परिसरातील तज्ज्ञ, आणि मान्यवर व्यक्ती यांच्यासह सिंहगडाचा दौरा केला होता.त्यानंतर या अभियानाची सुरुवात करण्याचे ठरविले होते. याअंतर्गत सिंहगडाचा इतिहास आणि इतर बाबींची पर्यटकांना अभ्यासपूर्ण व रोचक माहिती मिळावी यासाठी गाईड ट्रेनिंग सुरु करण्यात येत आहे.याशिवाय नवे फुड स्टॉल्स देखील उभारण्यात येत असून त्याचे उद्घाटन अजित पवार यांनी केले.सिंहगडावर वृक्षारोपणही करण्यात आले.गडावरील नरवीर तानाजी मालुसरे यांच्या पुतळ्यास अजित पवार यांनी पुष्पहार अर्पण करुन अभिवादन केले.गडावर येणाऱ्या पर्यटकांना माहिती देण्यासाठी मराठी व हिंदी भाषा जाणणाऱ्या स्थानिकांना गाईड म्हणून वन विभागाच्या माध्यमातून प्रशिक्षण देण्यात येईल. खासदार सुप्रिया सुळे पोलिस पोलीस कर्मचाऱ्यासोबत सेल्फी घेतलासिंहगडावरील वातावरणाचा आंनद घेतांना खासदार सुप्रिया सुळे खासदार सुप्रिया सुळे यावेळी अजित पवार यांना विभागीय आयुक्त यांनी भेट दिली आणि सिंहगड किल्ल्यावर राबविण्यात येणाऱ्या वेगवेगळ्या प्रकल्पांची पाहणी केली.वन विभागाच्या वतीनं राबवण्यात येणाऱ्या वन्यजीव सप्ताहाचा तसंच गाईड प्रशिक्षण कार्यक्रमाचा शुभारंभ देखील झाला.किल्ले सिंहगड परिसराच्या पुरातन वारसाला शोभेल आणि पर्यावरणाला अनुरुप असा विकास करण्यात येईल. विकासासाठी निधी कमी पडू दिला जाणार नाही, असं प्रतिपादन यावेळी अजित पवार यांनी केलं.सिंहगडावर सेल्फी पॉईंट, गाईड ट्रेनिंग, प्लास्टिक बंदी, वन विभाग व पीएमपीएलच्या माध्यमातून ई व्हेइकल सुरु करण्यात येणार आहे, अशी माहिती यावेळी आजित पवार यांनी दिली.राज्यासह पुणे महानगरातून सिंहगडावर येणाऱ्यांची संख्या जास्त आहे. त्यामुळे गडालगत वाहनांची गर्दी होते.यावेळी अजित पवार यांनी प्रस्तावित फूड स्टॉलची जागा,हवा पॉइंट, विश्रामगृह,वन विश्रामगृह येथे भेट देऊन पाहणी केली.यावेळी खडकवासला आमदार भीमराव तापकीर,विभागीय आयुक्त सौरभ राव, जिल्हाधिकारी डॉ राजेश देशमुख,पुण्याचे उपवनसंरक्षक राहुल पाटील, दिलीप बराटे, सचिन दोडके,सायली वांजळे, जि.प.सदस्या पूजा पारगे व नवनाथ पारगे, वन विभागाचे अधिकारी आदी उपस्थित होते.