एकाच चवीचं मटण खाऊन कंटाळलात? मग रविवारी बनवा झणझणीत ‘बंगाली स्पेशल मटण करी’, ही घ्या रेसिपी

बंगाली स्टाइल मटण करी बनवण्यासाठी लागणारे साहित्य

३५० ग्रॅम मटण
१/२ कप दही
१ टीस्पून आले-लसूण पेस्ट
१ टीस्पून मोहरीचे तेल
करीसाठी : १ चमचा मोहरीचे तेल
१ तमालपत्र
१-२ काळ्या वेलची
१-२ हिरवी वेलची
१ दालचिनीची काडी
२-३ लवंग
२-३ सुक्या लाल मिरच्या
चिमूटभर साखर
१ कप चिरलेला कांदा
१ टीस्पून चिरलेले आले
१ टीस्पून चिरलेला लसूण
१-२ लहान चिरलेले बटाटे,
१/२ टीस्पून हळद
१ टीस्पून लाल तिखट
चवीनुसार मीठ
१ टीस्पून धणे पावडर
तूप आवश्यकतेनुसार
हिरवी मिरची
१ टीस्पून गरम मसाला
पाणी आवश्यकतेनुसार

Kitchen Jugaad: , गॅस शेगडीवर वॅसलिन लावताच झाली कमाल; video पाहाल तर दररोज कराल ‘हा’ उपाय

बंगाली स्टाइल मटण करी बनवण्याची कृती

मटण करी बनवण्यासाठी सर्वात आधी मटण मॅरीनेट करावे लागेल. यासाठी मटणाचे तुकडे आधी नीट धुवून घ्या आणि नंतर एका भांड्यात दही, आले-लसूण पेस्ट आणि मोहरीचे तेल मिसळा.

यानंतर ते झाकून सुमारे २-३ तास फ्रीजमध्ये ठेवा. आता कढईत तेल गरम करून त्यात दालचिनी, काळी आणि हिरवी वेलची, सुकी लाल मिरची, तमालपत्र, लवंगा आणि चिमूटभर साखर घाला. हे मिश्रण चांगले मिसळा आणि त्यात चिरलेला कांदा घाला. कांदा सोनेरी तपकिरी होईपर्यंत तळा. चिरलेले आले, लसूण आणि हिरवी मिरची, धणे पावडर, गरम मसाला असे सर्व मसाले घालून हे मिश्रण तळणे सुरू ठेवा.

आता मटणाचे तुकडे आणि बटाट्याचे तुकडे कढईत शिजवलेल्या मिश्रणात ५-१० मिनिटे शिजवा. यानंतर पाणी घालून झाकण ठेवा. हे मिश्रण ३०-४० मिनिटे मंद आचेवर शिजवा.

आता शिजलेल्या मटणावर ताजी कोथिंबीर, चिरलेली हिरवी मिरची आणि थोडे तूप घाला आणि गरम सर्व्ह करा आणि खाण्याचा आनंद घ्या.