सणासुदीला घरीच बनवा ‘दुधाचे पेढे’; नोट करा साहित्य अन् कृती

दूधाचे पेढे बनवण्यासाठी लागणारे साहित्य:

• १ लीटर दूध
• ५० ग्रॅम साखर
• ३ चमचे वेलची पावडर
• १ चमचा ताजी साय
• २ चमचे दूध पावडर
• बारीक साखर आवश्यकतेनुसार

दूधाचे पेढे बनवण्याची कृती:

हेही वाचा: श्रावणात आवर्जून बनवा गूळ-खोबऱ्याच्या सारोट्या; पटकन लिहून घ्या साहित्य आणि कृती

• सर्वात आधी कढईत दूध उकळायला ठेवा आणि त्यात दूधाची साय, साखर घालून ढवळून घ्या. दुधाला उकळी येऊ द्या.
• दुधाला सतत ढवळत राहा, जेणेकरून दूध खाली लागणार नाही.
• त्यानंतर त्यात दूध पावडर घालावी, ज्यामुळे त्याचा मावा तयार होईल.
• मावा झाल्यावर गॅस बंद करुन तो थंड झाल्यावर त्यात वेलची पावडर घालून थोडे मळून घ्यावे आणि त्याचे पेढे बनवावे.
• तयार पेढ्यांवर तुम्ही पिस्त्याचे काप लावून सजवा आणि नैवेद्य दाखवून त्यांचा आस्वाद घ्या.