‘बिहाना दीदी’ हे ओदिशातल्या खेडोपाडी राहणाऱ्या महिलांनी डॉ. स्वाती नायक यांना दिलेले नाव, ही खरे तर त्यांच्या कामाची, कोणत्याही राष्ट्रीय/ आंतरराष्ट्रीय पुरस्कारापेक्षा मौल्यवान ठरणारी पावती! ‘बिहाना’ म्हणजे बियाणे. पावसाने ओढ दिल्यावरही १०५ दिवसांत तरारणारे ‘सहभागी धान’ हे तांदळाचे बियाणे बिकसित करणाऱ्या पथकाच्या प्रमुखपदी डॉ. नायक होत्याच; पण या धानाचा प्रसार करण्यासाठी आणि लाभ घेण्यासाठी ओदिशातल्या महिला शेतकऱ्यांची संघटना बांधण्यातही त्यांचा पुढाकार होता. अमेरिकेच्या आयोवा राज्यातील ‘वल्र्ड फूड प्राइझ फाउंडेशन’ या बिगरसरकारी संस्थेतर्फे दिला जाणारा मानाचा ‘नॉर्मन बोरलॉग पुरस्कार’ यंदा (२०२३ साठी) डॉ. नायक यांना जाहीर झाला आहे. हा पुरस्कार ४० वर्षांपेक्षा कमी वयाच्या कृषी संशोधक-संघटकांना दिला जातो आणि त्याचे स्वरूप १० हजार डॉलर (सुमारे ८.३२ लाख रु.), मानपत्र आणि डॉ. बोरलॉग यांच्या चित्राची प्रतिकृती असे असते.
हेही वाचा >>> व्यक्तिवेध: डॉ. भाऊसाहेब झिटे
मराठीतील सर्व स्तंभ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Information about odia scientist dr swati nayak who wins norman borlaug field award zws
