Rose Farming : गुलाबाची अशी करा लागवड अन् महिन्याला ५० ते ६० हजार रुपये कमवा; जाणून घ्या गुलाबाच्या शेतीसाठी खर्च किती येईल?

Smart Education या युट्यूब अकाउंटवरुन एक व्हिडीओ शेअर केला आहे. या व्हिडीओमध्ये गुलाब लागवडीविषयी संपूर्ण माहिती सांगितली आहे. व्हिडीओत सांगितल्याप्रमाणे – बाजारपेठेत एका फुलाला ८ ते १० रुपये भाव मिळतो. कमी दिवसांमध्ये आणि कमी कष्टांमध्ये जास्तीत जास्त उत्पन्न मिळवण्याचा एक चांगला पर्याय म्हणून तुम्ही गुलाब शेतीकडे बघू शकता. आपल्याकडे पुरेशी जमीन नसेल तर फक्त वीस ते तीस गुंठ्यामध्ये तुम्ही गुलाबाची शेती करून महिन्याला ५० ते ६० हजारपर्यंत उत्पन्न मिळवू शकता. त्यासाठी कोणत्याही पॉली हाऊसची गरज नाही.

गुलाब कोणता लागवड करावा आणि कोणत्या महिन्यात लागवड करावा?

पॉलिहाऊस विना गुलाब शेती करता येणारा गुलाबाचा एक नवा प्रकार आला आहे. याला बोरडेक्स गुलाब म्हणतात. हा एक उत्तम पर्याय आहे. जुन आणि जुलै महिन्यात तसेच जानेवारी आणि फेब्रुवारी महिन्यात गुलाबाची लागवड केली जाते. अडीच बाय पाच फूट अंतरावर एक एकर मध्ये चार हजार रोपे तुम्ही लावू शकता आणि अर्धा एकरमध्ये दोन हजार झाडांची लागवड तुम्ही करू शकता.

गुलाब शेती साठी जमीन कशी असावी? या शेतीसाठी खर्च किती येईल?

गुलाब शेतीसाठी पाण्याचा निचरा होणारी जमीन पाहिजे. एक गुलाबाचे झाड १२ रुपयांना आहे. २५ ते ३० हजार हा अर्धा एकरासाठी खर्च आहे. त्यानुसार तुम्ही लागवड करू शकता.

या व्हायरल व्हिडीओच्या कॅप्शनमध्ये लिहिलेय, “गुलाब शेती लागवड, महिन्याला ५० ते ६० हजार रुपये कमवा; आपली शेती मराठी” या व्हिडीओवर अनेक युजर्सनी प्रतिक्रिया दिल्या आहेत. अनेक युजर्सना व्हिडीओ आवडला आहे. काही युजर्सनी याबाबत आणखी प्रश्न विचारलेली आहेत.