भूतदया म्हणजे पशु पक्षांविषयी असलेली सहानभूती किंवा प्रेम. प्रत्येक व्यक्तीमध्ये जसी माणसुकी असली पाहिजे असे म्हटले जाते तसेच प्राणी आणि पशु पक्ष्यांसाठी प्रेम किंवा सहानभुती असली पाहिजे अशी शिकवण आपल्यापैकी सर्वांना शाळेत दिली जाते. आज काल माणसांमधील माणुसकी जशी संपत चालली आहे तशीच भुतदया देखील नाहीशी होत आहे. याची प्रचिती देणारे अनेक व्हिडिओ रोज सोशल मीडियावर व्हायरल होत असतात. कधी कोणी कुत्र्याला अमानुषपणे मारताना दिसते तर कोणी सापाला. पण फार मोजक्या अशा घटना असतात ज्या पाहिल्यानंतर माणुसकी आणि भुतदया अजूनही जिवंत आहे यावर विश्वास बसतो. सध्या अशाच एका घटनेचा व्हिडिओ सोशल मीडियावर व्हायरल होत आहे.
सोशलमीडियावर व्हायरल होणाऱ्या व्हिडीओंमध्ये प्राण्यांचे व्हिडिओ देखील खूप चर्चेत असतात विशेषत: सापाचे. मानवी वस्ती असलेल्या परिसरात अनेकदा सापाचा शिरकाव होतो अशावेळी सर्पमित्रांच्या मदतीने सापाला पकडून पुन्हा सुरक्षितपणे जंगलात सोडले जाते. अशाच एका सर्पमित्राला एक बेशुद्ध अवस्थेतील साप आढळला. सापला वाचवण्यासाठी तरुणाने जे काही केलं ते पाहून नेटकऱ्यांना धक्का बसला आहे.
व्हायरल व्हिडीओमध्ये एक तरुण बेशुद्ध सापाला सावधपणे मुठीत पकडतो आणि मुठीत त्याचे तोंड पकतो आणि तोंडाद्वारे हवा सोडतो. बेशुद्ध सापाला हा तरुण तीनदा सीपीआरचा प्रयत्न देतो. पहिले दोन प्रयत्न निष्फळ ठरल्यानंतर तिसऱ्यांदा तोडी हालचाल करू लागतो आणि शुद्धीत येतो. तरुणाने सापाला जीवदान दिले आहे. हा नाट्यमय बचाव व्हिडीओमध्ये कैद करण्यात आला आणि X वरील ‘माय वडोदरा’ अकाऊंटद्वारे शेअर केला गेला. या घटनेचा व्हिडिओ तुफान व्हायरल होत आहे. नेटकरी व्हिडीओवर कमेंट करून तरुणांचे कौतुक करत आहेत.
सीपीआर देऊन प्राण्यांना वाचवल्याची ही पहिलीच वेळ नव्हती. उत्तर प्रदेशातील बुलंदशहरमध्ये, मे २०२४ मध्ये, विकास तोमर, हेड कॉन्स्टेबल, एका माकडाला वाचवले जे फांदीवरून बहुधा अति उष्णतेमुळे खालीकोसळले होते आणि बेशुद्ध झाले होते.माकडाला शुद्ध नसताना तोमर त्याच्या सहकारी पोलिसांच्या मदतीने बेशुद्ध प्राण्याला CPR देऊन त्याचा जीव वाचावला होता.
गेल्या महिन्यात उटाहमध्ये अग्निशमन दलाच्या जवानांनी एका अपार्टमेंटमध्ये लागलेल्या आगीपासून बेशुद्ध कुत्र्याला वाचवले आणि सीपीआरचे प्रभावीपणे व्यवस्थापन करून प्राण्याला वाचवले.
वडोदरा मधला साप असो किंवा उटाह मधला कुत्रा असो, करुणेला मर्यादा नसतात आणि प्रत्येक जीव वाचवता येईल इतका मौल्यवान असतो.
© IE Online Media Services (P) Ltd