करोना विषाणूचा प्रादुर्भाव देशभरात वाढल्यानंतर केंद्र सरकारने ३ मे पर्यंत लॉकडाउन वाढवलं आहे. या काळात सर्व क्रीडा स्पर्धा रद्द झालेल्या असल्यामुळे सर्व खेळाडू घरात राहून आपल्या परिवारासोबत वेळ घालवत आहेत. भारताचा माजी कर्णधार महेंद्रसिंह धोनी सध्या आपल्या रांचीतल्या फार्महाउसवर क्वारंटाइन झालेला आहे. धोनीची पत्नी साक्षीने काही दिवसांपूर्वी आपल्या रांचीतल्या फार्महाउसचे फोटो सोशल मीडियावर टाकले होते.
अवश्य पाहा – ७ एकराच्या जागेवर उभं आहे धोनीचं रांचीमधलं अलिशान फार्महाऊस…
मात्र या लॉकडाउनच्या काळात धोनीची मुलगी झिवाला कंटाळा आला, मग काय बाबांनी लगेच आपली बाईक काढत झिवाला फार्महाउसची सफर घडवली. साक्षी धोनीने इन्स्टाग्रामवर लाईव्ह करत हे चित्र धोनीच्या सर्व चाहत्यांना दाखवलं.
Mahi Bhaiya @msdhoni And Cute Ziva ‘The Diva’ Snapped Having Bike Ride In Their Farm House !!
Thanku So Much @SaakshiSRawat For Tuning In Live So That We Can Have Darshan Of Our God !! @ChennaiIPL#MSDhoni #Dhoni pic.twitter.com/9SF8jgyCJf
— Aabhas Raj (@AabhasRaj7781) April 20, 2020
२०१९ विश्वचषक स्पर्धा संपल्यानंतर धोनीला भारतीय संघात स्थान मिळालेलं नाही. आयपीएलद्वारे धोनी पुन्हा एकदा क्रिकेटच्या मैदानावर खेळणार होता. आगामी टी-२० विश्वचषक स्पर्धेत सहभागी होण्यासाठी धोनीला आयपीएलमध्ये चांगली कामगिरी करणं गरजेचं होतं. पण सध्या करोनामुळे निर्माण झालेली परिस्थिती पाहता धोनीचं आंतरराष्ट्रीय क्रिकेटमध्ये पुनरागमन हे कठीण दिसत आहे.