‘प्रौढ प्रताप पुरंदर….’, ‘छावा’ चित्रपट पाहिल्यानंतर चित्रपटगृहात शिवप्रेमींनी म्हटली शिवगर्जना, अंगावर काटा आणणारा VIDEO व्हायरल

या व्हायरल व्हिडीओमध्ये तुम्ही पाहू शकता, ‘छावा’ चित्रपट संपल्यानंतर एक शिवप्रेमी चित्रपटगृहामध्ये पुढे येतो आणि मोठ्या आवाजात शिवगर्जना म्हणायला सुरुवात करतो. यावेळी संपूर्ण चित्रपटगृहातील लोक शिवगर्जनेसाठी उभे राहतात आणि आपल्या छातीवर हात ठेवतात. सध्या हा व्हिडीओ सोशल मीडियावर तुफान व्हायरल होत आहे.

हा व्हिडीओ शेअर करणाऱ्या व्यक्तीने व्हिडीओवर, “क्षणात अंगावर काटा येऊन अभिमान आणि अश्रू दोन्ही डोळ्यात उभे राहिले, छावा चित्रपट पाहून” असं लिहिलं आहे. दरम्यान, यापूर्वी चित्रपटगृहातील काही व्हिडीओ व्हायरल झाले होते, ज्यात हा चित्रपट पाहिल्यानंतर अनेक जण भावूक झाल्याचे दिसले होते.

पाहा व्हिडीओ:

हा व्हिडीओ इन्स्टाग्रामवरील @impacctcrew_satara या अकाउंटवरून शेअर करण्यात आला असून या व्हिडीओला आतापर्यंत जवळपास आठ लाखांहून अधिक व्ह्युज आणि एक लाखाहून अधिक लाइक्सही मिळाल्या आहेत. त्याशिवाय अनेक नेटकरीही यावर अनेक कमेंट्स करीत आहेत. एकानं लिहिलंय, “छत्रपती संभाजी महाराजांची या नवीन पिढीला नव्याने ओळख करून दिल्याबद्दल मनापासून आभार विक्की कौशल.” दुसऱ्यानं लिहिलंय, “भाऊ रात्रीची १० ची वेळ अंगावर काटा आला…. जय जिजाऊ जय शिवराय जय शंभुराजे.” तिसऱ्या युजरनं लिहिलंय, “हा सिनेमा पाहून झाल्यावर प्रत्येक थिएटरमध्ये ही शिवगर्जना झालीच पाहिजे.”