Digital Adda: “बायकांना डिवचणं इतकं सोपं नाही…”; अभिनेत्री वंदना गुप्तेंना सांगितली ‘तो’ किस्सा

केदार शिंदे दिग्दर्शित ‘बाईपण भारी देवा’ येत्या ३० जूनला चित्रपटगृहांमध्ये प्रदर्शित होणार आहे. या चित्रपटात रोहिणी हट्टंगडी, सुकन्या मोने, वंदना गुप्ते, दिपा परब, शिल्पा नवलकर, सुचित्रा बांदेकर या सहा अभिनेत्रींच्या मुख्य भूमिका आहेत. यानिमित्ताने १९ जून रोजी ‘बाईपण भारी देवा’च्या टीमने लोकसत्ता ऑनलाइनच्या डिजिटल अड्डामध्ये हजेरी लावली होती. तसेच दिलखुलास गप्पा मारल्या. यावेळी अभिनेत्री वंदना गुप्ते यांनी गाडी चालवताना त्यांच्याबरोबर घडलेला एक किस्सा सांगितला.