Raju Shetti : Air Indiaच्या तिकिटासाठी पैसे भरुनही सीट दिली जात नाही?; शेट्टींचा गंभीर आरोप

भारतीय विमान प्राधिकरण व एअर इंडियाकडून प्रवाशांची लुबाडणूक केली जात असल्याचा आरोप स्वाभिमानी शेतकरी संघटनेचे नेते राजू शेट्टी यांनी केला आहे. दोन दिवस आधी तिकीट काढूनसुद्धा प्रवाशांना सीट उपलब्ध करून न देता ऐनवेळेस येणाऱ्या प्रवाशांना जादा दराने तिकीट विक्री केली जात असल्याचेही ते म्हणाले. तसेच याबाबत केंद्रीय नागरी विमान उड्डाणमंत्री ज्योतिरादित्य सिंधीया यांच्याकडे तक्रार केली असल्याची माहिती त्यांनी दिली.