Eknath Shinde: ‘मोदींमुळेच आम्हाला विकासाची संधी मिळाली’; ठाकरेंना टोले मारत मुख्यमंत्र्यांचे भाषण

Eknath Shinde: ‘मोदींमुळेच आम्हाला विकासाची संधी मिळाली’; ठाकरेंना टोले मारत मुख्यमंत्र्यांचे भाषण पंतप्रधान नरेंद्र मोदी यांच्या हस्ते आज मुंबईत विविध विकासकामांचे उदघाटन होत असून यानिमित्ताने शिंदे-फडणवीस सरकारने मुंबई महानगरपालिकेच्या निवडणुकीचे बिगूल वाजविले आहे. आजच्या लोकर्पणाच्या कार्यक्रमात मुख्यमत्री एकनाथ शिंदे यांनी पंतप्रधान नरेंद्र मोदींचे कौतुक करत असताना महाविकास आघाडी आणि शिवसेना उद्धव ठाकरे गटावर जोरदार टीका केली. “काही लोकांची इच्छा होती की, हा कार्यक्रम मोदींच्या हस्ते होऊ नये. पण नियतीसमोर कुणाचही चालत नाही. आमची इच्छा होती, महाराष्ट्र आणि मुंबईकरांची इच्छा होती. म्हणूनच लोकार्पण करण्यासाठी देशाचे पंतप्रधान नरेंद्र मोदी आज येथे उपस्थित आहेत.”, असे टीकास्त्र एकनाथ शिंदे यांनी सोडले.