Raj Thackeray On Ajit Pawar: अजित पवारांच्या ‘त्या’ शब्दावर राज ठाकरेंचा विनोद; सगळेच लागले हसू

Raj Thackeray On Ajit Pawar: जागतिक व्यंगचित्र दिनाच्या पार्श्वभूमीवर पुणे आंतरराष्ट्रीय व्यंगचित्र महोत्सव २०२३ चं उद्घाटन मनसे अध्यक्ष राज ठाकरे यांच्या हस्ते करण्यात आलं. यावेळी कार्टून्सट कम्बाईनचे अध्यक्ष संजय मिस्त्री, युवा संवाद सामाजिक संस्थेचे अध्यक्ष धनराज गरड उपस्थित होते. त्यावेळी राज ठाकरे यांनी सर्व व्यंगचित्र पाहून कलाकार मंडळींचं कौतुक देखील केलं. त्यानंतर उपस्थित मान्यवरांनी राज ठाकरे यांच्याकडे व्यंगचित्र काढण्याचा आग्रह केला. तेव्हा त्यांनी सध्याच्या राजकीय परिस्थितीनुसार अजित पवार यांचं व्यंगचित्र काढलं.