CM Shinde on Ratnagiri Project: “काही लोक केवळ विरोध करण्याचं काम करतात”; शिंदेंचा विरोधकांना टोला

शीतपेय बनवणारी कंपनी कोका-कोला रत्नागिरीत २,५०० कोटी रुपयांची गुंतवणूक करत आहे. कंपनीच्या रत्नागिरीत होऊ घातलेल्या प्रकल्पाच्या ७०० कोटी रुपयांच्या पहिल्या टप्प्याचं आज मुख्यमंत्री एकनाथ शिंदे यांच्या हस्ते उद्घाटन पार पडलं. या प्रकल्पाच्या माध्यमातून कोकणात दोन ते तीन हजार लोकांना रोजगार मिळणार असल्याची माहिती उद्योगमंत्री उदय सामंत यांनी दिली. तसेच उद्घाटनानंतर मुख्यमंत्री एकनाथ शिंदे यांनी प्रसारमाध्यमांशी बातचीत केली. यावेळी मुख्यमंत्री म्हणाले, राज्य सरकार प्राधान्याने कोकणचा विकास करणार आहे.