Prakash Ambedkar on MVA: “मविआचं जागावाटप रखडलंय”, प्रकाश आंबेडकरांचा महाविकास आघाडीवर मोठा आरोप

लोकसभा निवडणुकीची आचारसंहिता कोणत्याही क्षणी लागण्याची चिन्ह दिसत असताना महाराष्ट्रात मात्र जागावाटपाचा तिढा अद्याप सुटलेला दिसत नाही. महायुतीप्रमाणेच महाविकास आघाडीमध्येही जागावाटपावरून एकमेकांकडे बोट दाखविले जात आहे. त्यातच वंचित बहुजन आघाडीचे प्रमुख प्रकाश आंबेडकर यांनी काँग्रेसचे राष्ट्रीय अध्यक्ष मल्लिकार्जुन खरगे यांना पत्र लिहून जागावाटपाचा तिढा सोडवा, असे आवाहन केले आहे. यानंतर आज अमरावती येथे पत्रकारांशी बोलत असताना त्यांनी उबाठा गटाचे नेते, खासदार संजय राऊत यांच्यावर मोठा आरोप केला.