MNS Lost, Raju Patil Reacts: मनसेला शून्य जागा, २०१९ चे एकमेव आमदार राजू पाटील काय म्हणाले?

Maharashtra Vidhan Sabha Election Result 2024 : महाराष्ट्र विधानसभेच्या निवडणुकीसाठी २० नोव्हेंबर रोजी मतदान पार पडलं. त्यानंतर (२३ नोव्हेंबर) या निवडणुकीचा निकाल जाहीर झाला आहे महायुतीने तब्बल २३६ जागा निवडून आणल्या आहेत. तर, महाराष्ट्र नवनिर्माण सेनेला एकही जागा मिळाली नाही. पक्षस्थापननेनंतर झालेल्या पहिल्या निवडणुकीत (२००९) या पक्षाचे १३ आमदार निवडून आले होते. मात्र, २०१४ व २०१९ च्या निवडणुकीत या पक्षाचा केवळ एकेक आमदार निवडून आला होता. यंदा मनसेने १२८ उमेदवार निवडणुकीच्या रिंगणात उतरवले होते. तसेच मनसेने अनेक मतदारसंघात महायुतीशी साटंलोटं केलं होतं. महायुतीच्या साथीने मनसे यंदा किमान ५ ते १० जागा जिंकेल अशी शक्यता वर्तवण्यात आली होती. मात्र या पक्षाचा एकही उमेदवार निवडून आला नाही.दरम्यान, २०१९ च्या निवडणुकीत जिंकलेले मनसेचे एकमेव आमदार राजू पाटील यंचा यंदा कल्याण ग्रामीण या मतदारसंघात दारुण पराभव झाला आहे. या पराभवानंतर त्यांनी दोन वाक्यात त्यांची प्रतिक्रिया दिली आहे.