हगवणे कुटुंबाच्या वकिलांच्या बोलण्यावर मराठा समाज, अंजली दमानिया भडकल्या। Vaishnavi Hagwane

Vaishnavi Hagawane Suicide Case Court Updates : पुण्याच्या मुळशी तालुक्यातील वैष्णवी हगवणे आत्महत्या प्रकरणाची देशभर चर्चा चालू आहे. या प्रकरणावर गुरुवारी पुणे न्यायालयात सुनावणी झाली. यावेळी न्यायालयाने वैष्णवीचा सासरा राजेंद्र हगवणे, दीर सुशील हगवणे या दोघांना तीन दिवसांची पोलीस कोठडी, तर वैष्णवीचा नवरा शशांक, नणंद करीश्मा व सासू लता या तिघांना एक दिवसाची पोलीस कोठडी सुनावली आहे. दरम्यान, यावेळी न्यायालयात हगवणे कुटुंबाच्या वकिलांनी त्यांच्या आशिलांची बाजू मांडत असताना वैष्णवीबाबत अनेक मोठे दावे केले आहेत. यावरून आता अनेकांनी वैष्णवी हगवणेचं चारित्र्यहनन करण्याचा प्रकार वकील करत असल्याचे म्हणत वकील दुशिंग यांच्यावर ताशेरे ओढले आहेत.