५ लाखांच्या हुंड्यासाठी नवविवाहितेचा सासरी नागपुरात छळ; नक्षल्यांशी संबंध आहे म्हणत दिली धमकी

Nagpur Women Tortured By In Laws: मुलीला सासरी सुखात ठेवायचे असेल तर, ५ लाखांचा हुंडा द्या. अन्यथा तुमच्या मुलीला घरी परत घेऊन जा. आमचे नक्षल्यांशी संबंध असून तुम्ही पोलिसात गेल्यास तुमच्या कुटुंबाला ठार करू, अशी धमकी देत नागपूरच्या सासरकडील मंडळींनी नवविवाहितेला अंगावरील कपड्यांसह घरातून हाकलून लावत माहेरी परत पाठवल. हा धक्कादायक प्रकार भंडारा येथील वैभवीसोबत घडला. तक्रारीवरून पती अभिषेक, सासरे राजेंद्र, सासू माधुरी आणि नणंद नंदिनी यांच्या विरोधात हुंडा प्रतिबंधक कायद्याअंतर्गत गुन्हा दाखल केला आहे.