लातूरमध्ये वाहतूक पोलीस महिला कॉन्स्टेबलची मुलींना शिवीगाळ, मारहाण; घडलं काय? ।Latur Scooty Girl

Latur Scooty Triple Seat Viral Video: वाहतूक शाखेच्या एका महिला कॉन्स्टेबलचा तीन मुलींना मारहाण करतानाचा आणि ओरडण्याचा एक व्हिडीओ सोशल मीडियावर चांगलाच व्हायरल होतोय. लातूरमध्ये एकाच स्कुटीने प्रवास करणाऱ्या तीन महाविद्यालयीन तरुणींना वाहतूक शाखेच्या महिला कॉन्स्टेबलने पकडून चांगलाच चोप दिलाय एवढंच नाही तर संतापत या महिला कॉन्स्टेबलने शिवीगाळ देखील केली. महिला कॉन्स्टेबलने तरुणींना आपल्या आई-वडिलांना फोन करुन बोलवायला लावलं. पण तरुणी माफी मागत होत्या. गयावया करत होत्या. हा विषय इथेच संपवावा अशी त्यांची मागणी होती. मुली आपल्या आई-वडिलांना फोन लावत नसल्याने कॉन्स्टेबल पुन्हा संतापल्या आणि त्यांनी मुलींना कानशिलात लगावली.