जाहिरातींमुळे वैतागलेल्या आजींची सुप्रिया सुळेंकडे तक्रार;व्हिडीओ व्हायरल होताच काय म्हणाल्या?

Pune: पुणे शहरातील रास्ता पेठेतील महावितरण कार्यालयामध्ये शरद पवार गटाच्या नेत्या आणि खासदार सुप्रिया सुळे या अधिकारी वर्गा सोबत नियोजित बैठकीसाठी आल्या होत्या. त्यावेळी एका आजींनी सुप्रिया सुळे यांची भेट घेतली आणि म्हणल्या, माझा मुलगा आणि सून कामाला जातात.तर मी घरी असल्याने टीव्ही वर सिरियल बघत असते.एक सिरियल 30 मिनिटाची असते.पण त्यामध्ये जवळपास 20 मिनिटाच्या जाहिराती असतात. त्यामुळे आम्ही काय जाहिरातीसाठी पैसे भरतो का ताई यावर तुम्ही काही तरी करा, अशी मागणी आजींनी सुप्रिया सुळे यांच्याकडे केली. सुप्रिया सुळेंकडे जाहिरातींबाबत तक्रार करणाऱ्या आजींनी आता लोकसत्ताच्या प्रतिनिधींना संवाद साधला आहे.