लक्ष्मी-कुबेर पूजन व पाडवा अगदी उत्साहात साजरा कराल. षष्ठस्थानातून अष्टमस्थानाकडे चंद्राचे भ्रमण होत आहे. ज्यावेळी सप्ताहात असे भ्रमण होते, त्यावेळी काही गोष्टी मागे-पुढे होतात आणि आपल्याला घाई असते. लवकरात लवकर सर्व गोष्टी व्हाव्यात असे वाटेल, पण त्यासाठी धीर धरावा लागेल. इतरांनी केले म्हणून तुम्ही करायला जाऊ नका. तुमचे नुकसान होण्याची शक्यता आहे. हे नुकसान होऊ नये म्हणूनच विचार करून निर्णय घ्यावा लागेल. आपल्या वैयक्तिक गोष्टी इतरांना सांगत बसू नका. प्रत्येक गोष्टीत संयम ठेवा म्हणजे त्रास होणार नाही. सध्या व्यवसायात जास्त धावपळ होईल. नोकरदार वर्गाला कामांमध्ये जास्तीत जास्त गुंतून राहावे लागेल. आर्थिक ताणतणाव कमी कसा होईल ते पाहा. कुटुंबामध्ये वादविवाद होणार नाही याची काळजी घ्या. आध्यात्मिक गोष्टीत गुंतून राहा.
प्रकृतीची काळजी घ्या.
शुभ दिनांक : २२ , २३
महिलांसाठी : कामाचा व्याप वाढेल.
