Tatas cheapest electric car will enter the market today | Loksatta

आज बाजारपेठेत दाखल होणार टाटाची सर्वात स्वस्त इलेक्ट्रिक कार…!  जाणून घ्या किंमत आणि सर्वकाही

भारतात इलेक्ट्रिक वाहनांना ग्राहकांकडून चांगली पसंती मिळत आहे. इलेक्ट्रिक कार्सचं सेगमेंट देशात खूप लोकप्रिय होत आहे. टाटा मोटर्स कंपनी या सेगमेंटवर वर्चस्व राखून आहे. टाटाच्या ज्या प्रीमियम ईव्ही हॅचबॅकची अनेक दिवसांपासून वाहनप्रेमी वाट पाहत होते ते आता आज बुधवारी २८ सप्टेंबर रोजी लाँच होणार आहे.

आज बाजारपेठेत दाखल होणार टाटाची सर्वात स्वस्त इलेक्ट्रिक कार…!  जाणून घ्या किंमत आणि सर्वकाही
Photo-financialexpress

भारतात इलेक्ट्रिक वाहनांना ग्राहकांकडून चांगली पसंती मिळत आहे. इलेक्ट्रिक कार्सचं सेगमेंट देशात खूप लोकप्रिय होत आहे. टाटा मोटर्स कंपनी या सेगमेंटवर वर्चस्व राखून आहे. कंपनी भारतात सर्वाधिक इलेक्ट्रिक कार्स विकत आहे. टाटाच्या ज्या प्रीमियम ईव्ही हॅचबॅकची अनेक दिवसांपासून वाहनप्रेमी वाट पाहत होते ते आता टाटा आज बुधवारी २८ सप्टेंबर रोजी लाँच करून टाटा टिगॉर ईव्ही मॉडेलची बुकिंग सुरू करणार आहे.

त्याच वेळी, कार लाँच होण्याआधी त्याचे अनेक फीचर्स देखील समोर आले आहेत. ही कार लाँच झाल्यानंतर आता टाटाच्या तीन ईव्ही बाजारात असतील. टिगॉर च्या आधी Nexon EV आणि Nexon EV Max ने देशाच्या EV बाजारपेठेमध्ये आपले वर्चस्व प्रस्थापित केले आहे.

या कारमध्ये काय खास असेल?

  • कंपनीने यामध्ये फास्ट चार्जिंगची सुविधा दिली आहे.
  • कारमध्ये २६kWh लिथियम-आयन बॅटरी पॅक असेल.
  • एका तासात ८० टक्क्यांपर्यंत चार्ज होईल.
  • पूर्ण चार्ज केल्यानंतर कार सुमारे ३०० किमी अंतर कापते.
  • यात Z कनेक्ट असेल जे स्मार्टवॉच कनेक्टिव्हिटी देखील प्रदान करेल.

आणखी वाचा : भारतीय बाजारपेठेत KTM ने लाँच केले ‘या’ दोन बाईकचे जीपी एडिशन; काय आहे खास जाणून घ्या…

इंटेरिअरही खास असेल

टिगॉर ईव्हीला काहीतरी खास बनवण्यासाठी कंपनीने त्याच्या इंटीरियरमध्येही मोठे बदल केले आहेत. त्याचा डॅशबोर्ड ड्युअल कलरमध्ये सादर केला जाईल. यासोबतच हरमन कंपनीची इन्फोटेनमेंट सिस्टीमही असेल. कार प्रीमियम लेदर सीट कव्हर्ससह येईल. त्याचबरोबर कंपनीने सीटच्या कुशनमध्येही काही बदल केले आहेत. मात्र, टिगोरच्या मूळ व्यासपीठाशी छेडछाड झालेली नाही.

टाटांचा बाजार

टिगोर लाँच केल्यामुळे टाटा ईव्ही मार्केटमध्ये आपले वर्चस्व पूर्णपणे प्रस्थापित करेल. Nexon EV च्या प्रचंड मागणीमुळे कंपनीने Tigor चे EV मॉडेल काढून टाकण्याचा निर्णय घेतला होता. जेव्हा कंपनीने या मॉडेलबद्दल माहिती दिली, तेव्हापासून लोक त्याच्या बुकिंगची वाट पाहत होते. आता कंपनीने नवरात्रात ही कार लॉन्च केली आहे. तथापि, कंपनीने यावर अद्याप कोणत्याही प्रकारची सूट किंवा ऑफरची माहिती दिलेली नाही.

किंमत 

त्याच वेळी, असे सांगितले जात आहे की ही पहिली प्रीमियम ईव्ही हॅचबॅक असेल आणि त्याची किंमत आत्तापर्यंत येणाऱ्या EV पेक्षा कमी असेल. सूत्रांनी दिलेल्या माहितीनुसार, टाटाने टिगॉर ईव्हीची किंमत १० लाख रुपयांपेक्षा कमी ठेवण्याचा निर्णय घेतला आहे.

मराठीतील सर्व ऑटो ( Auto ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
विश्लेषण : फ्लेक्स फ्यूएल पर्यायी इंधन ठरू शकते का?

संबंधित बातम्या

२० सेकंदात बाईकचा स्पीड १६ kmph वरुन ११४ kmph वर गेला अन् दोघांचा मृत्यू झाला; धक्कादायक घटनाक्रम हेल्मेट कॅमेरात कैद
E-cycles: रोजचा प्रवास करायचाय, e-cycle स्वारी ठरणार फायदेशीर, जाणून घ्या ‘या’ चार गोष्टींबाबत!
मारुती सुझुकीची S-Presso CNG नव्या अवतारात बाजारपेठेत सादर; जाणून घ्या किंमत
Tyre Tips: कार-बाईक चालवताय, रस्त्यावर सुसाट धावणार तुमची वाहने, ‘या’ टायर्सबद्दल माहितेय का? वाचा सविस्तर
लँड रोव्हरची सर्वात आलिशान SUV Range Rover भारतात लॉंच, किंमत वाचून व्हाल हैराण

व्हिडिओ

ताज्या बातम्या
बोम्मईंच्या राजकीय लाभासाठी भाजपचे कर-नाटक?
“ते म्हणाले रिफायनरी झाली तर झाडाला आंबेच येणार नाहीत, पण…”, देवेंद्र फडणवीसांचं कोकण महोत्सवात वक्तव्य
“मी आज अरबाजमुळेच…” पूर्वाश्रमीच्या पतीबद्दल मलायका अरोराने केलेलं वक्तव्य चर्चेत
“आपल्या समाजात…”, चित्रपटांमुळे हिंसेला प्रोत्साहन मिळत असल्याच्या आरोपांवर नीना गुप्तांनी मांडलं मत
उद्धव ठाकरे आणि प्रकाश आंबेडकरांच्या युतीवर रामदास आठवलेंची प्रतिक्रिया; म्हणाले, “सगळी भीमशक्ती माझ्याबरोबर असल्याने…”