Congress government Rajasthan crisis Opposition Gehlot MLAs resignation ysh 95 | Loksatta

राजस्थानात काँग्रेस सरकार संकटात; पायलट यांना विरोध : गेहलोत समर्थक आमदारांचा राजीनाम्याचा इशारा

मुख्यमंत्री गेहलोत यांचा उत्तराधिकारी निवडण्यासाठी बोलावलेल्या आमदारांच्या बैठकीपूर्वीच गेहलोत समर्थक आमदारांनी राजीनाम्याचा इशारा देत विधानसभा अध्यक्षांचे निवासस्थान गाठले.

राजस्थानात काँग्रेस सरकार संकटात; पायलट यांना विरोध : गेहलोत समर्थक आमदारांचा राजीनाम्याचा इशारा
बसमधून राजस्थान विधानसभा अध्यक्षांच्या निवासस्थानाकडे निघालेले काँग्रेस आमदार बी. डी. कल्ला यांच्यासह गेहलोत समर्थक आमदार.

पीटीआय, जयपूर : राजस्थान काँग्रेसमध्ये अशोक गेहलोत विरुद्ध सचिन पायलट संघर्षांचा नवा अंक रविवारी सुरू झाला. मुख्यमंत्री गेहलोत यांचा उत्तराधिकारी निवडण्यासाठी बोलावलेल्या आमदारांच्या बैठकीपूर्वीच गेहलोत समर्थक आमदारांनी राजीनाम्याचा इशारा देत विधानसभा अध्यक्षांचे निवासस्थान गाठले. त्यामुळे राजस्थानमध्ये काँग्रेस सरकार संकटात आले आहे. 

 अशोक गेहलोत हे काँग्रेस अध्यक्षपदाच्या निवडणुकीत उतरले आहेत. ‘एक व्यक्ती, एक पद’ या नियमामुळे त्यांना मुख्यमंत्रीपद सोडावे लागणार आहे. त्यामुळे विधिमंडळ गटाचा नवा नेता निवडण्यासाठी रविवारी रात्री आमदारांची बैठक बोलावण्यात आली होती. पक्षाचे प्रभारी अजय माकन आणि पक्षनिरीक्षक म्हणून मल्लिकार्जुन खरगे बैठकीला उपस्थित होते. माजी उपमुख्यमंत्री सचिन पायलटही दाखल झाले. बैठकीमध्ये केवळ नेतानिवडीचे सर्वाधिकार केंद्रीय नेतृत्वाला देण्याची औपचारिकता पार पाडली जाणार असल्याचे गेहलोत यांनी स्वत: जाहीर केले होते. मात्र बैठकीपूर्वी त्यांच्याच समर्थकांनी राजीनामास्त्र उगारले.

गेहलोत समर्थक आमदार बैठकीकडे फिरकले नाहीत. त्याऐवजी ते मंत्री शांती धारिवाल यांच्या बंगल्यावर जमून बसमधून विधानसभा अध्यक्ष सी. पी. जोशी यांच्या घरी गेले. पायलट यांना मुख्यमंत्री करण्यास या आमदारांचा विरोध आहे. यावेळी अपक्षांसह सुमारे ८० आमदार एकत्र असल्याचा दावा करण्यात आला असला तरी त्याला अधिकृत दुजोरा मिळू शकलेला नाही. ‘‘आपण राजीनामे देण्यासाठी आलो आहोत,’’ असे राज्यमंत्री प्रतापसिंह खचारियावास यांनी जाहीर केले, तर ‘‘आमदारांच्या भावना लक्षात न घेता निर्णय घेतला गेला, तर सरकार अडचणीत येईल,’’ असा इशारा अपक्ष आमदार सन्यम लोढा यांनी दिला.

 गेहलोत पक्षाध्यक्ष झाल्यानंतर त्यांच्या खुर्चीत पायलट यांना विराजमान करण्याचा निर्णय काँग्रेस नेतृत्वाने घेतल्याची चर्चा आहे. गेहलोत यांना स्वत:च्या मर्जीतील आमदाराला मुख्यमंत्रीपद द्यायचे आहे. त्यामुळे पायलट आणि गेहलोत यांच्यामध्ये पुन्हा सत्तासंघर्षांची ठिणगी पडली आहे. यावर सर्वमान्य तोडगा काढण्याची कसरत पक्षश्रेष्ठींना करावी लागणार आहे.

नाराज आमदारांची मागणी काय?

२०२०मध्ये पायलट यांच्या बंडावेळी सरकार वाचवणाऱ्यांपैकी एखाद्याला मुख्यमंत्री करावे, बंड घडवणाऱ्यांना नव्हे, अशी गेहलोत समर्थक आमदारांची मागणी आहे. गेहलोत पक्षाध्यक्ष आणि मुख्यमंत्री अशी दोन्ही पदे सांभाळण्यासही सक्षम असल्याचा दावा समर्थक करत आहेत. २०२०मध्ये पायलट यांनी काही आमदारांसह बंडाचा अयशस्वी प्रयत्न केला होता.

संख्याबळ असे..

राजस्थान विधानसभेच्या २०० सदस्यांमध्ये काँग्रेसचे संख्याबळ १०८ आहे. शिवाय पक्षाला १३ अपक्ष आमदारांचा पाठिंबा आहे. अपक्षांमध्येही गेहलोत समर्थक अधिक आहेत. भाजपचे संख्याबळ ७० आहे. काँग्रेसच्या गेहलोत समर्थक ८० हून अधिक आमदारांनी राजीनामा दिल्यास सरकार कोसळू शकेल.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
पायलटांच्या विमान उड्डाणाला गेहलोतांकडून रेड सिग्नल; राजस्थानात राजकारण तापले

संबंधित बातम्या

शिवसेनेतील बंडखोरीच्या सर्व याचिकांवर सुनावणी होणार, तारीख सांगत सरन्यायाधीश म्हणाले, “घटनापीठात…”
Gujarat Election Exit Poll: गुजरातमध्ये ‘सातवी बार भाजपा सरकार’चा अंदाज! केजरीवालांची पहिली प्रतिक्रिया; म्हणाले, “एका नव्या..”
उद्धव ठाकरे आणि प्रकाश आंबेडकरांच्या युतीवर रामदास आठवलेंची प्रतिक्रिया; म्हणाले, “सगळी भीमशक्ती माझ्याबरोबर असल्याने…”
Gujarat Election: “आधी कॅमेरा…”, पंतप्रधान मोदींचा ‘तो’ फोटो शेअर करत अभिनेते प्रकाश राज यांचं खोचक ट्वीट!
“बाबा दुचाकीसाठी सासरचे लोकं मला…”, मृत्यूपुर्वी मुलीची वडिलांना साद

व्हिडिओ

ताज्या बातम्या
Maharashtra-Karnataka Border Dispute: बेळगावात महाराष्ट्रातील वाहनांवर दगडफेक, वाद चिघळण्याची शक्यता
वरुण सूदबरोबर ब्रेकअपनंतर दिव्या अग्रवालने मराठमोळ्या बिझनेसमनशी केला साखरपुडा; पोस्ट चर्चेत
आ बैल मुझे मार! बैलाने कंपनीच्या कार्यालयासमोर लघुशंका केल्याने थेट शेतकऱ्यावरच गुन्हा दाखल
विश्लेषण: गोलधडाका, विजयनृत्य आणि पेलेंना पाठिंबा… ब्राझीलने कशी जिंकली फुटबॉलरसिकांची मने?
खळबळजनक! पाच जणांनी पकडलं, एकाने नऊ वेळा डोक्यात दगड घातला; ३० वर्षीय व्यक्तीचा निर्घृण खून