IND vs AUS Match Highlight Rohit Sharma and Dinesh Kartik sweet moment makes netizen emotional | Loksatta

IND vs AUS Highlight: आधी पार गळा धरला आणि आता.. रोहित शर्माला पाहून नेटकरी म्हणतात “हा कर्णधार…

IND vs AUS Match At Nagpur: रोहितचा कालचा सामना हा खऱ्या अर्थाने यशस्वी ठरला त्यामुळे त्याचे अनेक फोटो व व्हिडीओ सध्या सोशल मीडियावर पाहायला मिळत आहेत

IND vs AUS Highlight: आधी पार गळा धरला आणि आता.. रोहित शर्माला पाहून नेटकरी म्हणतात “हा कर्णधार…
IND vs AUS Match Highlight Rohit Sharma (फोटो:फेसबुक)

IND vs AUS Highlight: भारत-ऑस्ट्रेलिया तीन सामन्यांच्या टी२० मालिकेतील दुसरा सामना जिंकून भारतीय संघाने पुन्हा क्रिकेटप्रेमींच्या आशा पल्लवीत केल्या आहेत. भारताच्या बिथरलेल्या गोलंदाजांच्या फळीला बुमराहच्या वापसीने मोठा आधार मिळाला. ऑस्ट्रेलियाला अवघ्या ९० धावांवर रोखल्यावर रोहित शर्माने आक्रमक खेळी दाखवून ४६ धावा केल्या. भारताला सहा गडी राखून विजय मिळाल्यावर आता गुणतालिकेत भारत व ऑस्ट्रेलिया दोघांकडे १-१ गुण आहे. रोहितचा कालचा सामना हा खऱ्या अर्थाने यशस्वी ठरला त्यामुळे त्याचे अनेक फोटो व व्हिडीओ सध्या सोशल मीडियावर पाहायला मिळत आहेत मात्र यातील दिनेश कार्तिकीसह टिपलेला एक क्षण सर्वांचे लक्ष वेधून घेत आहे.

तुम्हाला आठवत असेल भारत विरुद्ध ऑस्ट्रेलियाच्या पहिल्या सामन्यात भर मैदानातच रोहितने दिनेशचा गळा धरल्याचे काही फोटो व्हायरल झाले होते. या सामन्यात भारतीय गोलंदाजांना काही केल्या सामन्याचा सूर गवसत नव्हता अशावेळी अक्षर पटेलने ११ व्या शतकात घेतलेल्या विकेटनंतर पुन्हा जिंकण्याची संधी वाटू लागली. यावेळी उमेश यादव गोलंदाजी करताना दिनेश कार्तिकने स्टेवन स्मीथला झेलबाद केले मात्र पंचांनी बाद न दिल्याने भारताला रिव्ह्यू घ्यावा लागला जो नंतर भारताच्या बाजूने आला. याच षटाकात ग्लेन मॅक्सवेलला झेलबाद करतानाही हाच गोंधळ झाला. या दोन्हीवेळी दिनेश कार्तिक काहीसा घाबरलेला दिसत असल्याने रिव्ह्यूबाबत रोहितही संभ्रमित होता म्हणूनच रोहितने गंमतीत दिनेश कार्तिकचा गळा धरला होता.

भारत विरुद्ध ऑस्ट्रेलियाच्या दुसऱ्या सामन्यात रोहितने याच दिनेश कार्तिकचे कौतुक करून त्याला मिठी मारल्याचे काही फोटो आता व्हायरल होताना दिसत आहेत. यावर अनेकांनी कॅप्टन असावा तर असा जो चुकल्यावर ओरडेल व वेळीच कौतुकही करेल. आयुष्यात एक तरी मित्र रोहितसारखा असावा असेही अनेकांनी म्हंटले आहे.

दरम्यान, कालच्या सामन्यात दिनेश कार्तिकने अखेरच्या षटकात पहिल्याच चेंडूवर षटकार ठोकला व लगेच पुढच्या चेंडूवर चौकार ठोकत संघाला विजय मिळवून दिला. रोहितने अखेरपर्यंत नाबाद राहत ४६ धावांची खेळी केली. रोहितच्या तुफानी फटकेबाजीने भारताला दणदणीत विजय मिळवून दिल्याने त्याला सामनावीराचा पुरस्कार देण्यात आला होता.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
विश्लेषण : दोन पिढ्यांमधील दुवा! झुलन गोस्वामीची कामगिरी का ठरते प्रेरणादायी?

संबंधित बातम्या

FIFA World Cup 2022: ब्राझीलला हरवून कॅमेरूनने रचला इतिहास, तर स्वित्झर्लंड प्री-क्वार्टर फायनलमध्ये दाखल
Video: तू गल्ली क्रिकेट…; ऋषभ पंतने हर्षा भोगलेंना दिलेलं ‘ते’ उत्तर ऐकून नेटकरी भडकले, पाहा ट्वीट्स
IPL 2023: ‘टॅक्टिकल सबस्टिट्युशन म्हणजे काय रे भाऊ?’ आयपीएलच्या १५व्या हंगामापासून सुरु होणार नवीन नियम
धोनीनंतर चेन्नई सुपर किंग्सचा उत्तराधिकारी कोण असू शकतो? यावर सीएसकेच्या प्रशिक्षकांनी केला खुलासा
समलैंगिक साथीदारासोबत अ‍ॅथलीट द्युती चंदचा विवाह? सोशल मीडियावर ‘तो’ फोटो व्हायरल!

व्हिडिओ

ताज्या बातम्या
“सोलापुरात कर्नाटक भवन बांधणार असाल, तर आम्हाला…”, संजय राऊतांचे मुख्यमंत्री बोम्मईंना प्रत्युत्तर
“शिवरायांचा अपमान करणाऱ्यांना लाज वाटली पाहिजे”, म्हणत उदयनराजे भोसलेंची मोठी घोषणा; म्हणाले, “आझाद मैदानात…!”
मेट्रोचा पहिला टप्पा मार्चअखेरपर्यंत पूर्ण; पालकमंत्री चंद्रकांत पाटील यांची माहिती
Car Tips: अपघातानंतर वाहनाला आग लागल्यास ‘या’ गोष्टींमुळे वाचतील तुमचे प्राण; जाणून घ्या प्रवास करताना काय काळजी घ्यावी
रशियातही ‘पुष्पा’ फिव्हर, ‘सामी सामी’ गाण्यावर रशियन महिला थिरकल्या, चिमुकल्यांचाही भन्नाट डान्स, Video होतोय तुफान Viral