सध्या अनेक मराठी मालिकांच शूटिंग महाराष्ट्राबाहेर सुरू आहे. प्रेक्षकांच्या मनोरंजनात खंड पडू नये म्हणून राज्याबाहेर मालिकांचं शूटिंग सुरू करण्याचा निर्णय अनेक निर्मात्यांनी घेतलाय. कलाकार मालिकांमधून कायमच आपलं मनोरंजन करत असतात. तसचं सोशल मीडियाच्या माध्यमातून देखील ते चाहत्यांच्या संपर्कात राहून त्यांचं मनोरंजन करण्याचा प्रयत्न करतात. कलर्स मराठीवरील ‘सुंदरा मनामध्ये भरली’ या मालिकेला आणि या मालिकेतील कलाकारांना प्रेक्षकांची चांगलीच पसंती मिळतेय. अशात या मालिकेतील लितीका म्हणजेच अभिनेत्री अक्षया नाईकने एक धमाल व्हिडीओ शेअर केलाय.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

‘सुंदरा मनामध्ये भरली’ या मालिकेत मुख्य भूमिका साकारणारी अभिनेत्री अक्षया नाईकने तिच्या इन्स्टाग्राम अकाऊंटवर एक धमाल व्हिडीओ शेअर केलाय. या व्हिडीओत मालिकेतील अभिमन्यू तसचं इतरही सहकलाकार दिसत आहेत. साउथ सिनेमातील गाजलेलं गाणं “बुट बोमा’ वर त्यांनी ठेका धरत डान्स केला आहे. या व्हिडीओच्या कॅप्शनमध्ये अक्षया म्हणालीय, ” जेव्हा तुम्ही नेहमीच्या वेळेपेक्षा लवकर पॅकअप करता.” असं म्हणत तिने हॅशटॅगमध्ये ‘माय गँग’ असं म्हंटलं आहे.

शूटिंग लवकर संपल्याने मालिकेतील या कलाकारांनी एकत्र येत अशी धमाल केलीय. या व्हिडीओला चाहत्यांकडून चांगलीच पसंती मिळतेय. तर अभिनेत्री पूजा हेगडेने देखील कमेंट बॉस्कमध्ये काही स्माईली देत या व्हिडीओला पसंती दिलीय. एक युजर कमेंटमध्ये म्हणाला, ” हा व्हिडीओ मी १०० वेळा पाहू शकतो.” तर एका युजरने मला तुमचा अजून डान्स पाहायचा आहे अशी कमेंट केलीय़.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Sundara manamadhe bharali team dancing as they pack up earlier than usual video goes viral kpw