dussehra rally at shivaji park shiv sena preparations for rally zws 70 | Loksatta

शिवसेनेकडून शिवाजी पार्कवर मेळाव्याची जय्यत तयारी

शिवाजी पार्कवर दसरा मेळाव्याच्या परवानगीसाठी शिवसेनेच्या दोन्ही गटांनी अर्ज केले होते. 

शिवसेनेकडून शिवाजी पार्कवर मेळाव्याची जय्यत तयारी
प्रतिनिधिक छायाचित्र

मुंबई : शिवाजी पार्कवर दसरा मेळावा घेण्यासाठी परवानगीची लढाई न्यायालयात जिंकल्यानंतर शिवसेनेला अखेर सोमवारी पालिकेने परवानगी दिली. न्यायालयाच्या आदेशानुसार ही परवानगी देण्यात आली असल्याचे पालिका अधिकाऱ्यांनी सांगितले. २ ते ६ ऑक्टोबर अशा चार दिवसांसाठी परवानगी देण्यात आली आहे. त्यामुळे शिवसैनिक आता दसरा मेळाव्याच्या तयारीला लागले आहेत.

शिवाजी पार्कवर दसरा मेळाव्याच्या परवानगीसाठी शिवसेनेच्या दोन्ही गटांनी अर्ज केले होते.  कायदा सुव्यवस्थेच्या कारणास्तव दोन्ही गटांना पोलिसांनी परवानगी नाकारल्याचे कारण देत पालिकेने दोन्ही गटांना परवानगी नाकारली होती. त्यानंतर शिवसेनेने उच्च न्यायालयात धाव घेतली होती. तेव्हा मुंबई महापालिकेचा निर्णय अयोग्य असल्याचे ताशेरे न्यायालयाने ओढले होते.

शिवसेनेचे पक्षप्रमुख उद्धव ठाकरे यांना मेळावा घेण्यासाठी परवानगी दिली होती. न्यायालयाच्या आदेशानुसार सोमवारी पालिकेच्या जी उत्तर विभाग कार्यालयाने शिवसेनेला अखेर परवानगी दिली. उपायुक्त रमाकांत बिरादार यांनीही या वृत्ताला दुजोरा दिला असून न्यायालयाच्या आदेशानुसार व नेहमीच्या अटींवर ही परवानगी दिली असल्याचेही त्यांनी सांगितले. वेळेची मर्यादा, आवाजाची पातळी अशा नेहमीच्या अटी घालण्यात आल्याचे त्यांनी सांगितले.

चार दिवसांची परवानगी

दरवर्षी दसरा मेळाव्यासाठी शिवसेनेला दोन दिवसांची परवानगी पालिका देते. मात्र न्यायालयाने यावेळी चार दिवसांची परवानगी दिल्यामुळे पालिकेनेही शिवसेनेला २ ते ६ ऑक्टोबर अशी चार दिवसांची परवानगी दिली असल्याची माहिती विभागप्रमुख महेश सावंत यांनी दिली. पूर्व तयारीसाठी पुरेसा वेळ असून आम्ही परिसर सजवून भगवा करू, अशीही प्रतिक्रिया त्यांनी दिली. शिवसेनेने २० हजार रुपये अनामत रक्कम व १४७५ रुपये भाडे भरून दसरा मेळाव्यासाठी मैदान आरक्षित केले आहे.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
कर चुकवल्याप्रकरणी अनिल अंबानींना तूर्त दिलासा

संबंधित बातम्या

विश्लेषण: डोंगर आणि तलावाखालून जाणारा मुंबई-पुणे द्रुतगती बोगदा कसा आहे? त्याचा फायदा काय होईल?
महानगर क्षेत्रात लवकरच आपला दवाखाना ; मुख्यमंत्री एकनाथ शिंदे यांची ग्वाही
राज्यपालांमुळे सरकारची कोंडी; वादग्रस्त विधानावरून विरोधी पक्ष आक्रमक, शिंदे-फडणवीसांवर असहमतीची वेळ
“…तोपर्यंत भाजपाचा कुठलाही नेता उभ्या महाराष्ट्रात फिरू शकणार नाही”, शिवसेनेचा जाहीर इशारा
सायबर खंडणीखोरीने भारतीय व्यावसायिक त्रस्त

व्हिडिओ

ताज्या बातम्या
रायगडमध्ये भात लागवडक्षेत्रात घट; तांदूळ उत्पादनात मात्र वाढ, प्रति हेक्टरी अडीच टन धान्य
शिक्षण सेवकांच्या मानधनात वाढ ; प्रस्ताव मंजुरीसाठी वित्त विभागाकडे
अशोक मल्होत्रा, जतिन परांजपे क्रिकेट सल्लागार समितीवर
महानगर क्षेत्रात लवकरच आपला दवाखाना ; मुख्यमंत्री एकनाथ शिंदे यांची ग्वाही
FIFA World Cup 2022: टय़ुनिशियाविरुद्ध अपात्र गोलबाबत फ्रान्स फुटबॉल महासंघाची तक्रार