नुकसानग्रस्त शेतकऱ्यांना भरपाई मिळणार; बनावट सोयाबीन बियाण्यांमुळे कंपनीचा विक्री परवाना रद्द

मात्र ते बियाणे बनावट निघाल्याने खेडलेझुंगे येथील शेतकऱ्यांची फसवणूक झाली. शेतकऱ्यांनी यासंदर्भात राज्य बियाणे उपमितीचे सदस्य खंडू बोडके यांच्याकडे तक्रार केली होती. त्याची दखल घेत मागील आठवडय़ात मंत्रालयात झालेल्या बियाणे उपसमितीच्या बैठकीत बोडके यांनी कृषि विभागाचे प्रधान सचिव एकनाथ डवले यांच्याकडे बनावट बियाणांमुळे शेतकऱ्यांची वारंवार फसवणूक होत असल्याचा मुद्दा मांडला. बियाणे फसवणुकीच्या तक्रारींचा पाढा वाचला.

या विषयीचा गंभीरता लक्षात घेऊन प्रधान सचिव डवले यांनी कारवाईचे निर्देश दिले होते. त्यानुसार शिवसिंधू फार्मर कंपनीने बियाणे नियंत्रण आदेश १९८३ च्या तरतुदीचे उल्लंघन केल्याने कृषि विभागाने त्यांचा विक्री परवाना कायमस्वरुपी रद्द केला. सदर कंपनीचे संचालक सचिन गिते यांनी सर्व शेतकऱ्यांना झालेल्या नुकसानीबद्दल आर्थिक मोबदला देण्याचे आश्वासन दिल्याने फसवणुकीचा गुन्हा दाखल करण्यात आलेला नाही. सुमारे ४१ शेतकऱ्यांना १०८ गोणी बनावट सोयाबीन बियाणे विक्री केल्याने त्या शेतकऱ्यांना ३६५० रुपये प्रति नगप्रमाणे सुमारे चार लाख रुपयांची भरपाई मिळणार आहे. आर्थिक मोबदला मिळणार असल्यामुळे शेतकऱ्यांनी समाधान व्यक्त केले आहे.

शेतकऱ्यांकडून वारंवार बियाणात फसवणुकीच्या तक्रारी येत असल्याने मंत्रालयात झालेल्या राज्य बियाणे उपसमितीच्या बैठकीत कारवाईचे निर्देश देण्यात आले होते. त्यानुसार शिवसिंधू कंपनीचा विक्री परवाना कायमस्वरुपी रद्द करण्यात आला आहे. यापुढेही बियाणे विक्रेत्या कृषी कंपन्यांनी शेतकऱ्यांची फसवणूक केल्यास कडक कारवाई करण्यात येईल. नाशिक जिल्ह्यातील बनावट बियाणे विक्रेत्यांवर कारवाई करण्याचे निर्देश भरारी पथकाला दिले आहेत.

– खंडू बोडके पाटील (सदस्य, राज्य बियाणे उपसमिती)