नाशिकमध्ये वेगवेगळ्या अपघातात दोन दुचाकीस्वारांचा मृत्यू

रोहित बुधवारी रात्री खंडेराव मंदिर परिसरात दुचाकीवरून तोल जावून पडला. गंभीर दुखापत झाल्यामुळे कुटूंबियांनी त्याला तातडीने जिल्हा रुग्णालयात दाखल केले. रुग्णालयात त्याचा मृत्यू झाला. या प्रकरणी इंदिरानगर पोलीस ठाण्यात नोंद करण्यात आली आहे. नांदूरनाका ते तपोवन मार्गावरील सेलिब्रेशन लॉन्स भागात भरधाव वाहनाने दिलेल्या धडकेत २० वर्षांच्या दुचाकीस्वाराचा मृत्यू झाला.

किरण गायकवाड (रामटेकडी, तपोवन) असे दुचाकीस्वाराचे नाव आहे. गायकवाड शनिवारी रात्री नांदूर नाक्याकडून तपोवनच्या दिशेने दुचाकीने जात असताना चारचाकीची दुचाकीस धडक बसल्याने तो गंभीर जखमी झाला. बेशुध्द अवस्थेत कुटूबियांनी त्याला आडगावच्या वैद्यकीय महाविद्यालय रुग्णालयात दाखल केले होते. रुग्णालयात त्याचा मृत्यू झाला. या प्रकरणी आडगाव पोलीस ठाण्यात नोंद करण्यात आली आहे.