परिणीती चोप्रा पती राघव चड्ढा यांना लाडाने ‘या’ नावाने मारते हाक; रोमँटिक पोस्ट शेअर करत म्हणाली…

बॉलीवूड अभिनेत्री परिणीती चोप्राने यावर्षी स्पप्टेंबरमध्ये 'आप'चे नेते राघव चड्ढा यांच्याबरोबर लग्नगाठ बांधली राजस्थानच्या उदयपूरमध्ये परिणीती आणि राघव यांच्या लग्नसोहळ्याचे आयोजन करण्यात आलं होतं या लग्नात फक्त नातेवाईक आणि मित्रमंडळीच सहभागी झाली होती. आज राघव चड्ढा आपला ३५ वा वाढदिवस साजरा करत आहेत. पती राघव यांच्या वाढदिवसानिमित्त परिणीतीने इन्स्टाग्रामवर एक खास पोस्ट शेअऱ केली आहे. पोस्टमध्ये परिणीतीने राघव यांच्याबरोबरचे काही रोमँटिक फोटो शेअर केले आहेत. फोटोमध्ये परिणीती आणि राघव लग्नानंतर परदेशात फिरायला गेल्याचं दिसून येत आहे. परिणीतीने या फोटोबरोबर एक खास नोटही लिहिली आहे. पोस्टमध्ये परिणीतीने राघव यांच टोपण नाव लिहिलं आहे. परिणीती राघव यांना लाडाने 'रागी' असं म्हणते. परिणीतीची ही पोस्ट सोशल मीडियावर व्हायरल झाली आहे. नुकतचं परिणीतीने लग्नानंतर आपला पहिला करवा चौथ साजरा केला. लाल ड्रेस, हातात बांगड्या, भांगेत कूंकू लावलेल्या लूकमध्ये परिणीती खूपच सुंदर दिसत होती. फोटो परिणीती इन्स्टाग्राम