Photos: भरजरी लेहेंग्यावर कूल व्हाइट शूज; ‘बबिता जी’चं हटके फोटोशूट पाहिलं का?

अभिनेत्री मुनमुन दत्ता 'तारक मेहता का उलटा चश्मा' या मालिकेतून संपूर्ण देशात लोकप्रिय झाली. मुनमुन देशातील घराघरात 'बबिता जी' या नावाने ओळखली जाते. मध्यंतरी मुनमुन दत्ता आणि टप्पू म्हणजेच राज अनादकट यांच्या डेटिंगच्या चर्चा रंगल्या होत्या. त्यानंतर काही दिवसांनी एका वृत्तसंस्थेने मुनमुन आणि राज यांनी गुपचूप साखरपुडा केल्याची बातमी दिली होती. या बातमीमुळे मुनमुन दत्ता चर्चेत आली होती. दरम्यान, तिने आता नवे फोटो सोशल मीडियावर शेअर केले आहेत. मुनमुनने भरजरी लेहेंग्यात सुंदर फोटोशूट केलं आहे. यावेळी तिने अतिशय सुंदर मेकअप केला होता. तिने लेहेंग्यावर साजेसे दागिने घातले होते. इतकंच नाही तर तर तिने पांढऱ्या रंगाचे शूज घातले होते. दरम्यान, चाहत्यांना मुनमुनचे हे फोटो फारच आवडले असून त्यांनी फोटोवर लाइक्स आणि कमेंट्सचा वर्षाव केला आहे. तुम्हाला मुनमुनचा हा लूक कसा वाटला? (सर्व फोटो : मुनमुन दत्ता/इन्स्टाग्राम)