-
एक केळी खाऊन त्यानंतर चार ग्लास पाणी प्यायल्याने आम्लता लगेच बरी होते असा दावा करणारा एक व्हायरल हॅक आहे. ते खरोखर काम करते का? याबद्दल आपण जामून घेणार आहोत (छायाचित्र: गेटी इमेजेस/थिंकस्टॉक)
-
आम्लपित्त का होते? आम्लपित्त सामान्यतः तेव्हा होते जेव्हा पोटातील आम्ल अन्ननलिकेत परत जाते. हे जास्त मसालेदार किंवा तेलकट अन्न खाणे, जेवण वगळणे, जेवल्यानंतर लगेच झोपणे किंवा अगदी ताणतणावामुळे होऊ शकते. (छायाचित्र: फ्रीपिक)
-
सामान्य लक्षणांमध्ये छातीत जळजळ होणे, पोट फुगणे किंवा तोंडात आंबट चव येणे यांचा समावेश आहे, असे ठाणे येथील किम्स हॉस्पिटल्सच्या मुख्य आहारतज्ञ डा. गुलनाज शेख यांनी सांगितले. (छायाचित्र: फ्रीपिक)
-
तर, हा उपाय प्रभावी आहे का? हे आराम देऊ शकते, पण ते प्रत्येकासाठी जादू ठरेल असा उपाय नाही. केळी नैसर्गिकरित्या अल्कधर्मी असतात आणि पोटासाठी सौम्य असतात. ते पोटाच्या अस्तरांना शांत करण्यास आणि आम्ल कमी करण्यास मदत करू शकतात. पाणी पिण्यामुळे पोटातील आम्ल तात्पुरते पातळ होऊ शकते. म्हणून, सौम्य आम्लतेसाठी, हे मिश्रण काही आराम देऊ शकते, असे शेख यांनी सांगितले. (छायाचित्र: फ्रीपिक)
-
मग ते प्रत्येकासाठी का काम करत नाही? कारण प्रत्येकाचे शरीर याला वेगवेगळ्या प्रकारे प्रतिक्रिया देते. (छायाचित्र: गेटी इमेजेस/थिंकस्टॉक)
-
काहींसाठी एकाच वेळी जास्त पाणी पिल्याने पोटफुगी होऊ शकते किंवा लक्षणे आणखी बिघडू शकतात. बहुतेकांसाठी केळी सुरक्षित असली तरी, काही लोकांना ते गॅस तयार करणारे वाटू शकतात. तसेच जर आम्लता वारंवार होत असेल किंवा आम्ल रिफ्लक्स किंवा अल्सरसारख्या खोलवरच्या समस्यांमुळे उद्भवत असेल, तर हा सोपा उपाय पुरेसा ठरणार नाही, असे शेख यांनी सांगितले. (छायाचित्र: गेटी इमेजेस/थिंकस्टॉक)
-
हे करून पाहणे हानिकारक आहे का? अगदीच नाही पण संयम महत्त्वाचा आहे, असा इशारा शेख यांनी दिला. एक केळ आणि १-२ ग्लास पाणी ठीक आहे. एकाच वेळी चार मोठे ग्लास प्यायल्याने पोट ताणले जाऊ शकते आणि अस्वस्थता येऊ शकते, विशेषतः जर तुम्हाला आधीच फुगल्यासारखे वाटत असेल तर, असे शेख यांनी सांगितले. (छायाचित्र: फ्रीपिक)
-
आम्लता नियंत्रित करण्यासाठी लोकांनी खरोखर काय करावे? तर कमी प्रमाणात आणि कालांतराने वारंवार जेवण करा. (छायाचित्र: फ्रीपिक)
-
जेवल्यानंतर लगेच झोपणे टाळा. मसालेदार, तळलेले किंवा प्रक्रिया केलेले पदार्थ मर्यादित करा. दिवसभर हायड्रेटेड रहा, एकाच वेळी नाही. जर आम्लता ही नियमित समस्या असेल, तर फक्त हॅक्सवर अवलंबून राहण्याऐवजी डॉक्टरांचा सल्ला घ्या, असेही शेख यांनी सांगितले. (छायाचित्र: पेक्सेल्स)
६.३० वाजता जेवण, प्रत्येक सोमवारी उपवास अन्…; अक्षय कुमारने सांगितले फिटनेस सिक्रेट; म्हणाला, “रविवारी रात्री जेवल्यानंतर मी थेट…”
