पाल घरात येऊ नये म्हणून; जाणून घ्या पारंपरिक व आधुनिक उपाय

मिरी पाण्याचा फवारा काळी मिरी पूड पाण्यात मिसळून भिंतींवर, खिडकीजवळ किंवा कोपऱ्यांत फवारणी केली की त्या ठिकाणी पाली येत नाहीत. मिरीचा तीव्र वास आणि तिखटपणा त्यांना अस्वस्थ करतो. लसूण-कांद्याचा गंध पालींना तीव्र वास सहन होत नाही, म्हणून घराच्या कोपऱ्यात लसूण पाकळ्या किंवा कांद्याचे तुकडे ठेवल्यास त्या जागी पाल थांबत नाही. काही जण लसणाचा रस पाण्यात मिसळून स्प्रेही करतात. अंड्याचे कवच उपाय अंड्याचे रिकामे कवच भिंतीजवळ किंवा खिडकीच्या चौकटीवर ठेवल्यास पाल त्या वासामुळे दुरूनच पळ काढते. कवच नेहमी कोरडे ठेवावे, नाहीतर दुर्गंधी होऊ शकते. कॉफी-तंबाखूचे गोळे कॉफीच्या पुडीत थोडी तंबाखू मिसळून लहान गोळे तयार करून कोपऱ्यात ठेवा. या वासामुळे पाल दूर राहते. मात्र, हे उपाय करताना लहान मुलांपासून गोळे दूर ठेवावेत. स्वच्छता घरात पाल मुख्यतः अन्नाचे तुकडे आणि कीटक शोधत येतात, त्यामुळे घर स्वच्छ ठेवणे, कीटक नियंत्रण करणे आणि खिडक्या-दरवाज्यांतील फटी सील करणे अत्यंत महत्त्वाचे आहे. पुदिना, लेमनग्रास, युक्लिप्टस या वनस्पतींचा सुगंध पालींना अजिबात आवडत नाही. घराच्या खिडकीजवळ किंवा गॅलरीत ही झाडं ठेवल्यास पाल आत शिरत नाहीत. आरोग्याचा धोका पाल निरुपद्रवी वाटतात, पण त्यांच्या विष्ठेमुळे सॅल्मोनेलासारखे जीवाणू पसरू शकतात. त्यामुळे पाल जिथे असतात तिथे अन्न ठेवू नये आणि नेहमी हात धुवावेत. उन्हाळ्यात पाल का वाढतात? उष्णतेच्या काळात घरातील थंड कोपरे, अंधार आणि ओलसर जागा पालींना आकर्षित करतात. शिवाय या काळात घरात कीटकांची संख्याही वाढलेली असते, त्यामुळे पालींचे प्रमाण जास्त दिसते. (सर्व फोटो सौजन्य : Pexels)