एकनाथ शिंदेंची भेट घेणार का? पत्रकाराने विचारलेल्या प्रश्नाला संजय राऊतांचे उत्तर; म्हणाले “माझं काम…”

उद्धव ठाकरे गटातील नेते तथा खासदार संजय राऊत जामिनावर बाहेर आले आहेत. पत्राचाळ घोटाळा प्रकरणी त्यांना ईडीने अटक केली होती. ईडीच्या अटकेनंतर साधारण तीन महिने ते कोठडीत होते. दरम्यान, तुरुंगातून बाहेर आल्यानंतर राऊत यांनी शिंदे-फडणवीस सरकारची स्तुती केली आहे. मागील काही दिवसांमध्ये राज्य सरकारने काही चांगले निर्णय घेतले आहेत.-संजय राऊत चांगल्या निर्णयांचं स्वागत करायला हवे- संजय राऊत राज्यात सध्या नव्या सरकारची स्थापना करण्यात आली आहे.- संजय राऊत या नव्या सरकारने काही चांगले निर्णय घेतलेले आहेत. त्याचे मी स्वागत करतो.- संजय राऊत आम्ही विरोधासाठी विरोध करणार नाही. ज्या गोष्टी जनता, राज्य तसेच देशासाठी योग्य असतात, त्यांचे नेहमीच स्वागत केले पाहिजे.- संजय राऊत राज्यात देवेंद्र फडणवीस यांनी काही चांगले निर्णय घेतले आहेत.- संजय राऊत तुरुंगात असताना मी वर्तमानपत्रात वाचायचो. गरिबांना घर देण्याचा निर्णय, म्हाडाला अधिकार बहाल करण्याचा निर्णय, असे चांगले निर्णय घेण्यात आले आहेत.- संजय राऊत मी दोन ते चार दिवसांत उपमुख्यमंत्री देवेंद्र फडणवीस यांची भेट घेणार आहे.- संजय राऊत मला वाटतं की राज्यातील कारभार उपमुख्यमंत्री चावलत आहेत. त्यांच्याच नेतृत्वात राज्य सरकारचा कारभार चालतोय.- संजय राऊत राज्यात महत्त्वाचे निर्णय देवेंद्र फडणवीस हेच घेत आहेत.-संजय राऊत संजय राऊत आगामी काही दिवसांमध्ये राष्ट्रवादीचे खासदार शरद पवार यांचीदेखील भेट घेणार आहेत. या निमित्ताने मुख्यमंत्री एकनाथ शिंदे यांची तुम्ही भेट घेणार आहात का? असा प्रश्न संजय राऊत यांना विचारण्यात आला. राऊतांनी या प्रश्नाचे थेट उत्तर देण्याचे टाळले. मी फडणवीसांची भेट घेणार आहे. माझे जे शासकीय काम आहे, ते देवेंद्र फडणवीस यांच्याकडे असलेल्या खात्यांकडे आहे. त्यामुळे मी त्यांची भेट घेणार, असे उत्तर संजय राऊत यांनी दिले.