PHOTOS : ‘या’ नेत्याचा भाजपाला रामराम, आता राष्ट्रवादी शरदचंद्र पवार पक्षात! पाहा प्रवेश सोहळ्याचे फोटो

आज माजी आमदार सुधाकर भालेराव यांनी भाजपाला सोडचिठ्ठी दिली आहे. भालेराव यांनी आज भाजपाच्या सदस्यत्वासह सर्वच पदांचा राजीनामा दिला आहे. याशिवाय त्यांनी आज राष्ट्रवादी शरदचंद्र पवार पक्षात प्रवेश केला आहे. स्वतः पक्षाचे अध्यक्ष शरद पवार यांच्या उपस्थितीत हा प्रवेश पार पडला. महायुतीमध्ये आपल्याला उदगीरमधून उमेदवारी मिळणार नसल्याचे निश्चित झाल्यांनतर भालेराव यांनी हा निर्णय घेतला असल्यचे बोलले जात आहे. दरम्यान, भाजपाला सोडचिठ्ठी देताना "भाजपातील मित्रांना भेटण्यासाठी येत राहील" अशी प्रतिक्रिया दिली आहे. सुधाकर भालेराव हे उदगीर राखीव मतदार संघातून भाजपाचे दोन वेळा आमदार होते. दरम्यान, सुधाकर भालेराव यांचा प्रवेश करून घेताना शरद पवारांनी केलेल्या वक्तव्याची सध्या जोरदार चर्चा सुरू झाली आहे. "आगामी विधानसभा निवडणुकीत महविकास आघाडी २२५ जागांवर विजयी होईल", असे शरद पवार यावेळी म्हणाले आहेत. "महाराष्ट्राची स्थिती बदलायची असेल तर राष्ट्रवादीला बळ दिले पाहिजे, असे सगळ्यांच्या मनात आहे, जनतेचा घात केलेल्यांना धडा शिकवला पाहिजे", असेही यावेळी शरद पवार म्हणाले आहेत. महाविकास आघाडीत उदगीरची जागा ही राष्ट्रवादी शरद पवार गटाकडे आहे. आगामी विधानसभा निवडणुकीत उदगीर मध्ये अजित पवार गटाचे संजय बनसोडे व शरद पवार गटाचे सुधाकर भालेराव यांच्यात चांगलाच संघर्ष होईल अशी चिन्हे आहेत. त्यामुळे आगामी विधानसभा निवडणुकीत उदगीर मध्ये अजित पवार गटाचे संजय बनसोडे व शरद पवार गटाचे सुधाकर भालेराव यांच्यात काट्याचा मुकाबला होईल अशी चिन्हे दिसत आहेत. हेही पाहा- PHOTOS : भारताची किती जनता ‘लोकशाही’ व्यवस्थेवर समाधानी? ; युरोप, अमेरिकेसह इतर देशांची काय