पुणे : येरवड्यातील वाहतूक पोलीस विभागाच्या आवारात शिरलेल्या चोरट्यांनी मोटार, तसेच दोन दुचाकींचे टायर लांबविल्याची घटना उघडकीस आली.
आर्काइव्हमधील सर्व बातम्या मोफत वाचण्यासाठी कृपया रजिस्टर करा
Already have a account? Sign in
हेही वाचा – पोलिसांच्या घरात चोरट्यांच्या डल्ला; विश्रांतवाडी पोलीस वसाहतीत घरफोड्या
याबाबत पोलीस कर्मचारी सावता माळी यांनी येरवडा पोलीस ठाण्यात फिर्याद दिली आहे. माळी येरवडा पोलीस ठाण्यात मुद्देमाल कक्षात कारकून आहेत. गोल्फ क्लब रस्त्यावर वाहतूक विभागाचे कार्यालय आहे. या कार्यालयाच्या आवारातील मोकळ्या जागेत येरवडा पोलिसांनी वेगवेगळ्या गुन्ह्यांत ताब्यात घेतलेली वाहने लावली आहेत. चोरटे वाहतूक विभागाच्या कार्यालयाजवळ असलेल्या मोकळ्या जागेत शिरले. चोरट्यांनी वाहतूक विभागाच्या कार्यालयात ठेवलेली एक मोटार आणि दोन दुचाकींचे टायर लांबविले. पोलीस अंकुश डोंबाळे तपास करत आहेत.
First published on: 28-02-2023 at 18:49 IST
Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Thief stolen yerwada police seized car bike tyres pune print news rbk 25 ssb