“घाईत घेतलेला निर्णय नंतर पश्चाताप करायलाही वेळ देत नाही” ८ सेकंदचा VIDEO पाहून अंगावर काटा येईल; काय घडलं?

सोशल मिडियावर हा व्हिडिओ सध्या चांगलाच व्हायरल होतो आहे. काही जणांना या कार चालकाची हिंमत आवडली आहे, तर काही जणांना अशी जिवावर उदार होऊन केली जाणारी हिंमत म्हणजे मुर्खपणा वाटतो आहे.

या व्हिडीओमध्ये तुम्ही पाहू शकता, प्रचंड मोठी नदी वाहत, त्या नदीला पूर आल्यामुळे पुलाच्या वरुन पाण्याचा प्रवाह जात आहे या पुलाची अवस्था फारशी चांगली वाटत नाहीये. म्हणजेच कधी पुल तुटेल याचाही नेम नाही अशी एकंदरीत परिस्थिती दिसत आहे. मात्र या कार चालकानं पुढे धोका दिसत असूनही मृत्यूच्या दारातूनच जायचं ठरवलं. एक छोटीशी चूक आणि कार थेट नदीत पडेल असे वाटते. तेच पुढच्याच क्षणी पाण्याच्या प्रवाहातून कारला पुढे जाता येत नाही आणि कार पुराच्या पाण्यात वाहून जाते. सोबतच पूर आल्यामुळे पाण्याने रौद्ररुप धारण केलं होतं, त्यामुळे पुढच्याच क्षणी पूलही वाहून गेला.

पाहा व्हिडीओ

हेही वाचा >> VIDEO: एक डुलकी मृत्यूची! गाडी चालवताना डोळा लागला आणि घात झाला; अवघ्या २ सेंकदात भीषण अपघात

हा व्हिडीओ सोशल मीडियावर crane.rasool नावाच्या इन्स्टाग्राम अकाऊंटवरुन शेअर करण्यात आला आहे. यावर नेटकरीही संताप व्यक्त करत प्रतिक्रिया देत आहेत, एका युजरने म्हंटलंय “घाईत घेतलेला निर्णय नंतर पश्चाताप करायलाही वेळ देत नाही” तर दुसरा म्हणतो, “यांच्या या मूर्खपणामुळे ते आपला जीवही धोक्यात घालतात.”

धाडस, शौर्य आणि मूर्खपणा यांच्यामध्ये मोठा फरक आहे. पण हे अनेक लोकांना कळत नाही. त्यांचा मूर्खपणा, अतिशहान शहानपणा त्यांना कधी कुठे कसा नडतो हे त्यांच माहिती नसतं. सोशल मीडियावर एका व्यक्तीचा असाच मूर्खपणाचा व्हिडीओ व्हायरल होतो आहे.