AICC President Election then you will see the support I will get Shashi Tharoor msr 87 | Loksatta

AICC President Election : …तेव्हा मला मिळणारा पाठिंबा तुम्हाला दिसेल – शशी थरूर

शशी थरूर यांनी नुकतीच राहुल गांधी यांची देखील भेट घेतली आहे.

AICC President Election : …तेव्हा मला मिळणारा पाठिंबा तुम्हाला दिसेल – शशी थरूर
(संग्रहित छायाचित्र)

काँग्रेस नेते शशी थरूर यांनी आज (सोमवार) दावा केला की, एआयसीसी अध्यक्षपदाची निवडणूक लढवण्यासाठी त्यांना देशभरातील पक्ष कार्यकर्त्यांचा पाठिंबा आहे.

राजस्थानचे मुख्यमंत्री अशोक गेहलोत यांच्या पक्षाच्या सर्वोच्च पदासाठीच्या उमेदवारीबाबत अनिश्चिततेच्या पार्श्वभूमीवर, थरूर यांनी उत्तर केरळमधील पलक्कड येथील पट्टांबी येथे भारत जोडो यात्रेच्या निमित्ताने राहुल गांधी यांचीही भेट घेतली. मात्र थरूर म्हणाले की, गांधी त्यांच्या गृहजिल्ह्य़ात असल्याने ही केवळ शिष्टाचाराची भेट होती.

याचबरोबर “मी उमेदवारी अर्ज दाखल केल्यावर मला मिळणारा पाठिंबा तुम्हाला दिसेल. मला बहुतांश राज्यांतील कार्यकर्त्यांचा पाठिंबा मिळाल्यास मी निवडणूक लढवणार आहे. देशाच्या विविध भागातून अनेकांनी मला काँग्रेस अध्यक्षपदासाठी निवडणुकीच्या रिंगणात उतरण्याची विनंती केली आहे.” असंही यावेळी थरूर यांनी सांगितलं.

३० सप्टेंबरनंतरच चित्र स्पष्ट होणार –

थरूर म्हणाले “निवडणूक लढवण्याची इच्छा आहे. परंतु उमेदवारी अर्ज सादर करण्याच्या अंतिम तारखेनंतर (३० सप्टेंबर) चित्र स्पष्ट होईल. शनिवारी काँग्रेस मुख्यालयातून निवडणुकीसाठीचा उमेदवारी अर्ज शशी थरूर यांनी घेतला. यावेळी ते म्हणाले, “उमेदवाराने आत्मविश्वासाने निवडणूक लढवली पाहिजे. मला अर्ज मिळाला आहे. मी लोकांना भेटत आहे आणि त्यांच्याशी बोलत आहे.”

थरूर यांनी सांगितले की, त्यांनी सोनिया गांधी, राहुल गांधी आणि प्रियंका गांधी यांच्याशी चर्चा केली आहे आणि या तिघांनीही मला थेट सांगितले आहे, की त्यांचा काहीही आक्षेप नाही. याशिवाय निवडणूक लढवण्यासाठी केरळमधील कार्यकर्त्यांचा पाठिंबा असल्याचा दावाही त्यांनी केला. थरूर यांनी मागील सोमवारी सोनिया गांधी यांची भेट घेऊन निवडणूक लढवण्याची तयारी दर्शवली होती.

१७ ऑक्टोबर रोजी मतदान होणार –

काँग्रसेने गुरुवारी जारी केलेल्या अधिसूचनेनुसार निवडणुकीसाठी उमेदवारी अर्ज भरण्याची प्रक्रिया २४ सप्टेंबर ते ३० सप्टेंबरपर्यंत सुरू राहणार आहे. उमेदवारी अर्ज छाननीची तारीख १ ऑक्टोबर, तर उमेदवारी अर्ज मागे घेण्याची अंतिम तारीख ८ ऑक्टोबर आहे. उमेदवारांची अंतिम यादी ८ ऑक्टोबर रोजी सायंकाळी ५ वाजता प्रसिद्ध केली जाणार आहे. बिनविरोध निवडणूक न झाल्यास १७ ऑक्टोबरला मतदान होणार असून १९ ऑक्टोबरला मतमोजणी होणार आहे. त्याच दिवशी निकाल जाहीर होतील. काँग्रेस अध्यक्षपदाच्या निवडणुकीत ९ हजारांहून अधिक प्रदेश काँग्रेस कमिटीचे प्रतिनिधी मतदान करतील.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
४२० कोटींच्या कर चोरी प्रकरणात अनिल अंबानींना दिलासा! तात्काळ कारवाई न करण्याचे न्यायालयाचे आदेश

संबंधित बातम्या

श्रद्धाच्या मृतदेहाचे ३५ तुकडे करण्यासाठी कोणत्या हत्यारांचा वापर केला? नार्को चाचणीत आफताबचे धक्कादायक खुलासे
Padma Bhushan: सुंदर पिचईंना ‘पद्म भूषण’ प्रदान; म्हणाले, “मी जिथं जातो, तिथं माझ्यासोबत भारत…”
विश्लेषण: नागरिकत्व सुधारणा कायद्यात तामिळी निर्वासितांचा मुद्दा का आला? द्रमुकचा कायद्याला तीव्र विरोध का?
“फ्रिजमध्ये श्रद्धाच्या मृतदेहाचे तुकडे होते पण…”, आफताबच्या दुसऱ्या गर्लफ्रेंडने सांगितले धक्कादायक अनुभव
VIDEO: “…म्हणून ते ‘हे राम’ आणि ‘जय सिया राम’ म्हणत नाहीत”, राहुल गांधींचं भाजपा आणि आरएसएसवर टीकास्र

व्हिडिओ

ताज्या बातम्या
“सोलापुरात कर्नाटक भवन बांधणार असाल, तर आम्हाला…”, संजय राऊतांचे मुख्यमंत्री बोम्मईंना प्रत्युत्तर
“शिवरायांचा अपमान करणाऱ्यांना लाज वाटली पाहिजे”, म्हणत उदयनराजे भोसलेंची मोठी घोषणा; म्हणाले, “आझाद मैदानात…!”
मेट्रोचा पहिला टप्पा मार्चअखेरपर्यंत पूर्ण; पालकमंत्री चंद्रकांत पाटील यांची माहिती
Car Tips: अपघातानंतर वाहनाला आग लागल्यास ‘या’ गोष्टींमुळे वाचतील तुमचे प्राण; जाणून घ्या प्रवास करताना काय काळजी घ्यावी
रशियातही ‘पुष्पा’ फिव्हर, ‘सामी सामी’ गाण्यावर रशियन महिला थिरकल्या, चिमुकल्यांचाही भन्नाट डान्स, Video होतोय तुफान Viral