Ankita Bhandari Murder former bjp leader vinod arya defends son pulkit arya ssa 97 | Loksatta

Ankita Bhandari Murder : माजी भाजपा नेत्याकडून मुलाची पाठराखण; म्हणाले, “साधा, सरळ…”

Ankita Bhandari Murder : उत्तराखंडमध्ये एका तरुणीचा खून करण्यात आला आहे. या खूनात माजी भाजपा नेत्याच्या मुलाचा हात असल्याचा आरोप आहे.

Ankita Bhandari Murder : माजी भाजपा नेत्याकडून मुलाची पाठराखण; म्हणाले, “साधा, सरळ…”
विनोद आर्य पुलकित आर्य अकिंता भंडारी ( संग्रहित छायाचित्र )

उत्तराखंडमध्ये एका १९ वर्षीय तरुणीचा मृतदेह कालव्यात आढळला होता. अंकिता भंडारी, असे या तरुणीचे नाव असून, ती पौडी जिल्ह्यातील ‘वनतारा’ रिसॉर्टमध्ये काम करत होती. अंकिताच्या खूनाचा आरोप असलेल्या पुलकित आर्य याच्या मालकीचे हे ‘रिसॉर्ट’ आहे. पुलकित आर्य हा उत्तराखंड भाजपाचे माजी मंत्री विनोद आर्य यांचा मुलगा आहे.

दरम्यान, शवविच्छेदन अहवालात तरुणीचा पाण्यात बुडून मृत्यू झाल्याचे निष्पन्न झाले आहे. या तरुणीच्या मृतदेहावर जखमा असल्याचेही समोर आले आहे. अंकिताच्या खून प्रकरणात पुलकित आर्या आणि त्यांच्या दोन साथीदारांना पोलिसांनी शुक्रवारी अटक केली असून आरोपी सध्या न्यायालयीन कोठडीत आहेत.

या प्रकरणावरती माजी भाजपा नेते विनोद आर्य यांनी मुलावरील सर्व आरोप फेटाळून लावले आहेत. “माझा मुलगा सरळ, साधा आहे. पुलकित आणि अंकिताला न्याय मिळायला हवा. तपासावर कोणताही परिणाम होऊ नये, यासाठी मी आणि माझा मुलगा अंकितने भाजपाचा राजीनामा दिला आहे,” असं त्यांनी स्पष्ट केलं. याबाबत एनटीव्हीने वृत्त दिलं आहे.

‘रिसॉर्ट’मध्ये आलेल्या ग्राहकांना ‘विशेष सेवा’ पुरवावी, असा पुलकित आर्यचा अंकितावर दबाव असल्याचा आरोप आहे. शुक्रवारी रिसॉर्टचे व्यवस्थापक सौरभ भास्कर आणि सहायक व्यवस्थापक अंकित गुप्ता यांना अटक करण्यात आली. त्यांना १४ दिवसांची पोलीस कोठडी सुनावली आहे.

तरुणीवर अंत्यसंस्कार करणार नाही

दरम्यान, पीडितेच्या शवविच्छेदनाचा अंतिम अहवाल येईपर्यंत अंत्यसंस्कार करणार नाही, असा पवित्रा कुटुंबियांनी घेतला आहे. पीडितेवर अंत्यसंस्कार करण्याबाबत प्रशासनाकडून नातेवाईकांची मनधरणी करण्यात येत आहे. पीडितेच्या नातेवाईकांनी आणि काही स्थानिकांनी श्रीनगर-केदारनाथ महामार्ग रोखून धरल्याचेही वृत्त आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Ankita Bhandari Murder: “पुरावे नष्ट करण्यासाठी रिसॉर्टचे पाडकाम केले” पीडितेच्या कुटुंबियांचा आरोप, अंकितावर अंत्यसंस्कार करण्यास नकार

संबंधित बातम्या

Delhi Murder Case: श्रद्धा खून प्रकरणाला वेगळं वळण? आफताबकडून पॉलीग्राफी चाचणीत धक्कादायक खुलासे
आफताबने आधीपासूनच रचला होता श्रद्धाच्या खूनाचा कट? पॉलीग्राफी चाचणीत विचारण्यात आले ‘हे’ सात प्रश्न
विश्लेषण: आणखी एका राज्यात `आपʼचा शिरकाव; हरयाणात थेट दुसऱ्या क्रमांकावर!
पसमांदा मुस्लिमांपर्यंत पोहोचण्याच्या मोदींच्या धोरणाला गती; दिल्ली महापालिका निवडणुकीत भाजपकडून चार उमेदवार रिंगणात
संतापजनक! ५ विद्यार्थ्यांकडून वर्गमैत्रिणीवर लैंगिक अत्याचार, कृत्याचा व्हिडीओ समाजमाध्यमांवर केला शेअर

व्हिडिओ

ताज्या बातम्या
तब्बल ३० वर्षांनंतर शाहरुख गौरी खानच्या हनिमूनचं गुपित उलगडलं…
“दु:ख हेच आहे की एका माणसाच्या राक्षसी महत्त्वकांक्षेसाठी महाराष्ट्र मागे पडतोय”; मुख्यमंत्री शिंदेंवर आदित्य ठाकरेंचे टीकास्त्र!
बदाम खाल्ल्याने ‘हे’ ४ त्रास १०० च्या वेगाने वाढू शकतात! एका दिवसात किती व कसे बदाम खाणे आहे योग्य?
मंगल प्रभात लोढांकडून शिवरायांच्या आग्र्यातील सुटकेची तुलना शिंदेंच्या बंडाशी; म्हणाले, “शिवराय आग्र्यातून बाहेर पडले, त्याचप्रमाणे…”
“दाक्षिणात्य चित्रपटांची खिल्ली उडवणारेच आज…” राणा दग्गुबातीचे परखड भाष्य