भारताची स्टार फलंदाज आणि कर्णधार हरमनप्रीत कौरने एका आघाडीच्या स्पोर्ट्स ब्रँडशी ब्रँड अ‍ॅम्बेसेडर म्हणून हातमिळवणी केली आहे. पंजाबच्या ३३ वर्षीय तेजस्वी फलंदाजाने जगातील चौथ्या जलद महिला टी२० शतकाचा विक्रम केला आहे आणि महिलांच्या टी२० आंतरराष्ट्रीय सामन्यांमध्ये ती भारताची एकमेव शतकवीर आहे. हरमनप्रीतने आपल्या कारकिर्दीत आतापर्यंत सहा आंतरराष्ट्रीय शतके झळकावली आहेत, त्यापैकी पाच वनडेमध्ये आहेत. २०१७ मध्ये टी२० आंतरराष्ट्रीय फॉरमॅटमध्ये सर्वाधिक धावा केलेल्या खेळाडूला अर्जुन पुरस्कारानेही सन्मानित करण्यात आले आहे.
अभिषेक गांगुली, व्यवस्थापकीय संचालक, प्यूमा इंडिया आणि दक्षिण पूर्व आशिया, एका अधिकृत निवेदनात म्हणाले, “ती ज्या धाडसी आणि धडाकेबाज पद्धतीने क्रिकेट खेळते, ती आमच्या ब्रँडसाठी योग्य आहे. एक ब्रँड म्हणून, Puma नेहमी आपल्या वेळेच्या पुढे आहे आणि खेळांमध्ये महिलांना पाठिंबा देण्यासाठी, उत्सव साजरा करण्यासाठी आणि सक्षमीकरण करण्यासाठी वचनबद्ध आहे. हा करार त्या दिशेने एक मोठे पाऊल आहे. या करारामुळे, हरमनप्रीत प्यूमाच्या विराट कोहली, केएल राहुल, करीना कपूर खान, युवराज सिंग, सुनील छेत्री अलीकडे हार्डी संधू आणि अनुष्का शर्मा यांसारख्या मोठ्या व्यक्तींच्या यादीत सामील झाली आहे.
स्पोर्ट्स ब्रँड Puma India नेहरमनप्रीत कौरची केली नियुक्ती
महिलांचे चौथे सर्वात जलद टी२० आंतरराष्ट्रीय शतक झळकावणारी हरमनप्रीत म्हणाली, “मी २०१३ मध्ये माझे पहिले एकदिवसीय शतक Pumaचे बूट घालून झळकावले होते हे अनेकांना माहीत नाही, ज्याला माझ्या सुरुवातीच्या काळात ब्रँडने मान्यता दिली होती. आता अगदी एका दशकानंतर प्युमाचा चेहरा म्हणून माझी निवड झाली आहे. Puma सारखा ब्रँड भारतीय महिला क्रिकेटच्या वाढीला पाठिंबा देत असल्याचे पाहून आनंद होतो. प्रगती एकत्रित करणे महत्वाचे आहे. ही फक्त सुरुवात आहे आणि मला खात्री आहे की ही संघटना क्रिकेटमध्ये करिअर करण्याचे स्वप्न पाहणाऱ्या अनेक महिलांना प्रोत्साहन देईल.”
सर्व फॉरमॅटमध्ये ही फलंदाज भारताचा सर्वात विश्वासार्ह फलंदाज आहे आणि ती भारतीय महिला संघाच्या फळीचा कणा आहे. त्याने १२४ एकदिवसीय सामन्यांमध्ये ३८.१८च्या सरासरीने पाच शतके आणि १७ अर्धशतकांसह ३,३२२ धावा केल्या आहेत. ११४ टी२० आंतरराष्ट्रीय सामन्यामध्ये, तिने २८.०२ च्या सरासरीने २,८८७ धावा केल्या आहेत ज्यात एक शतक आणि नऊ अर्धशतकांचा समावेश आहे. शफाली वर्माने जसा इतिहास रचत अंडर-१९चा वर्ल्डकप जिंकला. तशीच कामगिरी करण्यासाठी हरमनब्रिगेड दक्षिण आफ्रिकेत होणाऱ्या टी२० वर्ल्डकपसाठी सज्ज झाली आहे. या विश्वचषकाला १५ फेब्रुवारीपासून त्याला सुरुवात होणार आहे.