“तर तुमचा गुलाम राहीन, असं उद्धव ठाकरेंना म्हणालो, पण…”; बच्चू कडूंचं वक्तव्य चर्चेत

बच्चू कडू म्हणाले, दिव्यांग मंत्रालयाची स्थापना करा अशी मागणी मी राज्य सरकारकडे गेल्या अनेक वर्षांपासून करत आहे. मी आधीच्या सरकारमध्ये होतो. राज्यमंत्री असताना आमच्या सगळ्या मागण्या पूर्ण होत होत्या. परंतु, दिव्यांग मंत्रालयाची मागणी पूर्ण होत नव्हती. ही मागणी मान्य करायला कोणी तयार नव्हतं. मी तत्कालीन मुख्यमंत्री उद्धव ठाकरे यांच्याकडे मागणी केली. मी त्यांना म्हणालो, दिव्यांग मंत्रालय बनवा, हा बच्चू कडू तुमचा गुलाम बनून राहिलं. परंतु, तेव्हा हे मंत्रालय झालं नाही.

हे ही वाचा >> “तुझं टमरेलच वाजवतो”, पत्रकार परिषदेत मनोज जरांगे पाटलांचा संताप; म्हणाले, “जातीवंत तरुणांनी…”

आमदार बच्चू कडू म्हणाले, मी गेल्या अनेक वर्षांमध्ये प्रत्येक ठिकाणी हा विषय मांडला आहे. दिव्यांगांसाठी भांडलो आहे. आज सोन्याचे दिवस येत आहेत. आपलं दिव्यांग मंत्रालय हे देशातलं पहिलं मंत्रालय असणार आहे. सगळे आमदार गुवाहाटीला गेले त्या काळात मला देवेंद्र फडणवीस आणि एकनाथ शिंदे यांचे फोन आले. मी त्यांना म्हटलं, मी तुमच्याबरोबर येतो. तुम्ही दिव्यांग मंत्रालय देत असाल तर मी तुमच्याबरोबर येईन. त्या काळात आम्ही बदनाम झालो. परंतु, त्याबदल्यात आपल्याला काय मिळालं? दिव्यांग मंत्रालय मिळणार आहे. सामान्य माणसाचं मंत्रालय पहिल्यांदा होतंय.