सत्यजीत तांबेंच्या आरोपांनंतर छगन भुजबळांचे महत्त्वाचे विधान; म्हणाले “शरद पवारांनी अगोदरच…”

हेही वाचा >>> पोटनिवडणूक बिनविरोध होण्यासाठी दीपक केसरकरांचे शरद पवारांना आवाहन, म्हणाले “पवारसाहेब सर्वांचेच…”

शरद पवार यांनी निवडणुकीच्या अगोदच सांगितले होते की…

“काँग्रेसमध्ये नेमकं काय घडलं, हे समजायला मार्ग नाही. अगदी ऐनवेळी जे झाले ते फारच विचित्र झाले. यामध्ये कोण दोषी याचा अद्याप उलगडा झालेला नाही. शरद पवार यांनी निवडणुकीच्या अगोदच फॉर्म भरताना सांगितले होते की काँग्रेसने या सर्व बाबीचा विचार केला पाहिजे. काँग्रेसने एकत्र बसून हा प्रश्न सोडवला पाहिजे. मात्र हा प्रश्न त्यावेळी सुटला नाही. मग साहजिकच निवडणूक बिनविरोध होते की काय असा प्रश्न उपस्थित झाल्यानंतर मग महाविकास आघाडीने शुभांगी पाटील यांना उभे केले. वेळ फार कमी होता. मात्र शुभांगी पाटील यांनी ४० हजार मतं मिळवली,” असे छगन भुजबळ यांनी सांगितले.

हेही वाचा >>> कथित हेरगिरी करणाऱ्या चीनच्या ‘बलून’ला हवेतच केले नष्ट, कारवाईसाठी अमेरिकेची विशेष मोहीम!

मी ५६ ते ५७ वर्षे राजकारणात आहे, पण…

“तांबे यांनी मतदारनोंदणी मोठ्या प्रमाणात केली. ते आता निवडून आले आहेत. ते अजूनही सांगत आहेत की मी अपक्ष आहे. काँग्रेसने मला चुकीचे एबी फॉर्म दिले होते, असे ते सांगतात. मी ५६ ते ५७ वर्षे राजकारणात आहे. मी अनेक निवडणुका लढवल्या. पण अशा प्रकारे कोणी एबी फॉर्म देतं आणि ते घेताना कोणीही पाहात नाही, असं कधी होत नाही. मतदारसंघ कोणता आहे. नाव बरोबर आहे का? या सर्व बाबी तपासल्या जातात. मात्र सत्यजीत तांबे यांच्या बाबतीत नेमके काय घडले? यावरच वाद-प्रतिवाद सुरू आहे. काँग्रेसने काय ते पाहावे. त्यात लवकरच स्पष्टता येईल,” असेही छगन म्हणाले.