"आम्ही महिनाभर…" 'बिग बॉस' स्क्रिप्टेड म्हणणाऱ्यांना महेश मांजरेकरांचे स्पष्ट शब्दात उत्तर | Bigg boss marathi 4 is scripted or not here what mahesh manjrekar said nrp 97 | Loksatta

“आम्ही महिनाभर…” ‘बिग बॉस’ स्क्रिप्टेड म्हणणाऱ्यांना महेश मांजरेकरांचे स्पष्ट शब्दात उत्तर

अनेकदा ‘बिग बॉस’चा शो स्क्रिप्टेड आहे अशी टीका केली जाते. नुकतंच या टीकांवर महेश मांजरेकरांनी उत्तर दिले आहे.

“आम्ही महिनाभर…” ‘बिग बॉस’ स्क्रिप्टेड म्हणणाऱ्यांना महेश मांजरेकरांचे स्पष्ट शब्दात उत्तर

छोट्या पडद्यावरील सर्वांचा लाडका आणि वादग्रस्त कार्यक्रम म्हणून ‘बिग बॉस’ला ओळखले जाते. हा शो कायमच लोकप्रिय असतो. मराठी ‘बिग बॉस’ सुरु झाल्यापासून हा शो कायमच सुपरहिट ठरला आहे. ‘बिग बॉस’च्या स्पर्धकांमधील राडे, नवनवीन टास्क, मैत्री आणि होणारे वाद यामुळे हा शो कायमच लोकप्रिय ठरतो. ‘बिग बॉस’चे तीनही पर्व हिट ठरल्यानंतर येत्या २ ऑक्टोबरपासून चौथे पर्व प्रेक्षकांच्या भेटीला येणार आहे. अनेकदा ‘बिग बॉस’चा शो स्क्रिप्टेड आहे अशी टीका केली जाते. नुकतंच या टीकांवर महेश मांजरेकरांनी उत्तर दिले आहे.

‘बिग बॉस मराठी’चे चौथे पर्व सज्ज झाले आहे. यंदा या कार्यक्रमाची थीम ‘ALL IS WELL’ अशी असणार आहे. केवळ मराठीच नाही तर हिंदीमध्येही आपल्या कौशल्यपूर्ण दिग्दर्शनाने आणि अभिनयाने वेगळी छाप सोडणारे, मराठी माणसांना कायम आपलेसे वाटणारे महेश मांजरेकर या कार्यक्रमाचे सूत्रसंचालन करत आहेत. मराठी टेलिव्हीजनवरचा सगळ्यात भव्य रिअॅलिटी शो म्हणून ‘बिग बॉस मराठी’कडे पाहिले जात आहे. नुकतंच या कार्यक्रमाच्या निमित्ताने एका पत्रकार परिषदेचे आयोजन करण्यात आले होते. यावेळी त्यांना ‘बिग बॉस’च्या शोबद्दल अनेक प्रश्न विचारण्यात आले. त्यावेळी त्यांनी ‘बिग बॉस’चा शो स्क्रिप्टेड असतो का? याबद्दल भाष्य केले.
आणखी वाचा : “मी बिग बॉसचा प्रत्येक एपिसोड…” महेश मांजरेकरांचे स्पष्ट शब्दात उत्तर

महेश मांजरेकर नेमकं काय म्हणाले?

‘बिग बॉस’ हा शो स्क्रिप्टेड असतो असे अनेकदा बोललं जातं. यामुळे या कार्यक्रमावर अनेकदा टीकाही केली जाते. मात्र नुकतंच महेश मांजरेकरांनी यावर स्पष्ट शब्दात उत्तर दिले. यावेळी ते म्हणाले, “मी ‘बिग बॉस’साठी काहीही तयारी केलेली नाही. हीच माझी तयारी असते. मी ठरवून काहीच करत नाही. स्पर्धक जसे वागतात त्यावरच माझी रिअॅक्शन असते. ‘बिग बॉस’चा होस्ट म्हणून अनुभव फारच चांगला आहे. माझ्यासाठी ‘बिग बॉस’ची ती संपूर्ण प्रक्रिया फार आनंद देणारी असते. मला ‘बिग बॉस’ हा शो इतका भयंकर आवडतो. मी ‘बिग बॉस’ होस्ट करेपर्यंत कधीही ‘बिग बॉस’ पाहिला नव्हता. त्यानंतर मी तो होस्ट करायचं म्हणून तो पाहिला. हा फारच चांगला शो आहे.
आणखी वाचा : ‘बिग बॉस मराठी’च्या घरात कोणते स्पर्धक बघायला आवडतील? महेश मांजरेकर म्हणाले “गौरव मोरे, शिवाली…”

अनेकजण मला येऊन विचारतात की हा शो स्क्रिप्टेड असतो का? त्यावर मी त्यांना सांगू इच्छितो की, एखादे नाटक करताना आम्ही महिनाभर सराव करतो. इथे २४ तास आणि १०० दिवस…. म्हणजे किती महिने सराव करावा लागेल. बरं मला कितीतरी स्पर्धकांनी सांगितलंय की आम्ही असं वागायचं, हे करायचं असे ठरवून जातो, पण ते होत नाही. त्याचं कारण म्हणजे ज्या काही घटना आत घडतात, त्यावर तिकडे प्रतिक्रिया उमटते. मी पूर्ण आठवडा तो शो पाहतो आणि त्यानंतर मला समजतं की कोणाची काय वाजवायची असते”, असे महेश मांजरेकर म्हणाले.

आणखी वाचा : अमेय वाघ आणि सुमीत राघवनच्या वादावर अखेर पडदा, कारण आले समोर

दरम्यान आता या ‘बिग बॉस’ मराठीमध्ये कोण कोणते कलाकार असणार, पुन्हा तोच राडा होणार का? मैत्री आणि प्रेमाचे वारे वाहणार का? याची चर्चा रंगण्यास सुरुवात झाली आहे. येत्या २ ऑक्टोबरपासून ‘बिग बॉस’ मराठीचे चौथे पर्व सुरु होणार आहे. त्यातच ‘बिग बॉस’ मराठी’मुळे पुन्हा एकदा प्रेक्षकांचं भरपूर मनोरंजन होणार असल्याचे दिसत आहे. यात सहभागी होणारे स्पर्धक कोण असणार याबद्दल उत्सुकता पाहायला मिळत आहे.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
दोन लग्न, चौथ्याच व्यक्तीशी अफेअर अन्…; बिपाशा बासूच्या नवऱ्याला पूर्वाश्रमीच्या पत्नीने मारली होती कानाखाली

संबंधित बातम्या

रिक्षा, टॅक्सी मिळेना मुक्ता बर्वेने केला सार्वजनिक वाहनाने प्रवास; फोटो शेअर करत म्हणाली…
नोरा फतेहीला डान्सरचा चुकीच्या पद्धतीने स्पर्श; व्हिडीओ व्हायरल
‘आरआरआर’, ‘केजीएफ’ नव्हे तर ‘या’ चित्रपटाला लोकांनी सर्वाधिक सर्च केलंय; गुगलने दिली माहिती
सारेगमप ‘लिटिल चॅम्प्स’मधील लाडकी बच्चे कंपनी पुन्हा येणार प्रेक्षकांच्या भेटीला, पण…
“बॉलिवूडवर अंडरवर्ल्ड डॉनचं वर्चस्व आणि…”, अभिनेत्री सोनाली बेंद्रेचा मोठा खुलासा

व्हिडिओ

ताज्या बातम्या
Rohit Sharma Injured: जखमी असूनही खेळायला उतरला रोहित, पत्नी रितिका आणि सूर्यकुमारच्या ट्विटने जिंकले मन
Video: बॉलिवूड पदार्पणाचा आनंद गगनात मावेना, बार काउंटरवर चढून बेभान होऊन नाचली ‘ही’ मराठी अभिनेत्री
पुणे : शिक्षण सेवकांच्या कागदपत्रांची छाननी पूर्ण
Video : गर्दीतच हात पकडला, सेल्फी घेतला अन्…; भाऊ कदमची लेक व रणवीर सिंगचा व्हिडीओ व्हायरल
गुजरातमध्ये पुन्हा भाजपाचीच सत्ता! प्राथमिक निकालानंतर राजनाथ सिंह यांची मोठी प्रतिक्रिया; म्हणाले “विजयाचे आम्हाला नवल नाही, कारण…”