kbc 14 amitabh bachchan want to donate money for shobha kanwar school students | Loksatta

केबीसीमध्ये सहभागी झालेल्या शिक्षिकेला अमिताभ बच्चन यांचा मदतीचा हात, म्हणाले “मुलांच्या शिक्षणासाठी…”

KBC 14 : अमिताभ बच्चन यांनी शोभा कानवर यांच्या शाळेतील मुलांसाठी देणगी देण्याची इच्छा व्यक्त केली.

केबीसीमध्ये सहभागी झालेल्या शिक्षिकेला अमिताभ बच्चन यांचा मदतीचा हात, म्हणाले “मुलांच्या शिक्षणासाठी…”
अमिताभ बच्चन यांनी शोभा यांच्या शाळेतील मुलांसाठी देणगी देण्याची इच्छा व्यक्त केली. (फोटो : सोनी टीव्ही)

‘कौन बनेगा करोडपती’ हा छोट्या पडद्यावरील लोकप्रिय शो प्रेक्षक आवडीने पाहतात. बिग बी अमिताभ बच्चन होस्ट करत असलेल्या या शोचा १४वा सीझनही प्रेक्षकांच्या पसंतीस उतरत आहे. या शोच्या नुकत्याच प्रदर्शित झालेल्या भागात राजस्थानमधील एक शिक्षिका सहभागी झाल्या होत्या.

१६ वर्षं संसार सांभाळून शिक्षिका बनलेल्या शिक्षिका शोभा कानवर यांच्या कार्याची माहिती देणारा व्हिडीओ ‘कौन बनेगा करोडपती’ शोमध्ये दाखवण्यात आला. शोभा यांना मुलबाळ नाही, त्यामुळे त्यांनी इतर मुलांना खुश ठेवता यावं यासाठी शिक्षकाचा पेशा पत्करला. या प्रवासाविषयी बोलताना शोभा यांनी केबीसीचे आभार मानले. त्या म्हणाल्या, “केबीसीमधून मला खूप काही शिकायला मिळालं. मी रोज केबीसी पाहायचे. केबीसीमुळेच मी शिक्षिका झाले. मला मुलबाळ नाही पण आता माझ्याकडे शाळेतील ४५० मुलं आहेत.”

हेही वाचा >> “माझी आई बिग बॉस पाहत नाही , कारण…”, सलमान खानने केला खुलासा

हेही वाचा >> “मला रणबीर कपूरला कंडोम…”, दीपिका पदुकोणची ‘ती’ इच्छा ऐकून संतापले होते ऋषी कपूर

शोभा यांची ही जीवनगाथा ऐकून अमिताभ बच्चन भारवून गेले. ते भावून होऊन म्हणाले, “जगात दोनच व्यक्ति देवासमान असतात, एक आई आणि दूसरी शिक्षक आणि तुम्ही या दोन्ही भूमिका बजावता, त्यासाठी तुमचे अभिनंदन.” अमिताभ बच्चन यांनी शोभा यांच्या शाळेतील मुलांसाठी देणगी देण्याची इच्छा व्यक्त केली. “यापूर्वी मी असं कधीच केलं नाही आहे. परंतु, मुलांप्रति आणि त्यांच्या शिक्षणासाठी तुम्ही करत असलेलं कार्य पाहून मी तुम्हाला ही मदत करू इच्छितो”, असं अमिताभ बच्चन म्हणाले.

हेही वाचा >> Viral Video मुळे फेमस झाला अन् अहमदनगरच्या शाळकरी मुलाला अजय-अतुलने दिली थेट चित्रपटात गाण्याची संधी

शोभा कानवर यांनी केबीसीमध्ये ६ लाख ४० हजार रक्कम जिंकली. १ लाख ६० हजारच्या प्रश्नापर्यंत त्यांनी एकही लाइफलाइन वापरली नव्हती. परंतु, ६ लाखांसाठी विचारण्यात आलेल्या प्रश्नाला त्यांच्याजवळील ५०-५० आणि व्हिडीओ कॉल या लाइफलाइन वापरुन योग्य उत्तर दिलं. पुढील प्रश्नाचं उत्तर ठाऊक नसल्याने आणि कोणतीही लाइफलाइन शिल्लक न राहिल्यामुळे शोभा यांनी खेळ सोडण्याचा निर्णय घेतला.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
कतरिना कैफबरोबर परदेशात गेला होता रणबीर कपूर, अफेअरदरम्यानचे ‘ते’ खासगी फोटो व्हायरल झाले अन्…

संबंधित बातम्या

‘आरआरआर’, ‘केजीएफ’ नव्हे तर ‘या’ चित्रपटाला लोकांनी सर्वाधिक सर्च केलंय; गुगलने दिली माहिती
“दीपाली सय्यद यांनी चॅरिटेबल ट्रस्टच्या माध्यमातून बोगस लग्न लावली”, माजी स्वीय्य सहाय्यकाचे गंभीर आरोप; राज्यपालांवर
विश्लेषण : गुजरातमध्ये भाजपासाठी केलेलं ‘ते’ भाषण भोवलं! परेश रावल यांच्याविरोधात FIR दाखल; जाणून घ्या नेमकं घडलं काय
Akshay Kumar as Shivaji Maharaj:अक्षयचा महाराजांचा लुक आणि बल्बचं झुंबर यांची सोशल मिडियावर चर्चा
‘पसूरी’, ‘श्रीवल्ली’ की ‘चांद बालियां’? पाहा कोणतं आहे २०२२ मधील सर्वात लोकप्रिय गाणं

व्हिडिओ

ताज्या बातम्या
दिल्ली पालिकेत ‘आप’ची सत्ता; भाजपची १५ वर्षांची राजवट संपुष्टात, काँग्रेस आणखी क्षीण
नोटाबंदीसंबंधी कागदपत्रे सादर करा!; केंद्र सरकार, रिझव्‍‌र्ह बँकेला सर्वोच्च न्यायालयाचे आदेश
रायगडमध्ये युती-आघाडी जुळवताना कसरत; ग्रामपंचायत निवडणुकांची रणधुमाळी
तालिबानने ताबा घेतल्यापासून अफगाणिस्तानमध्ये प्रथमच जाहीर फाशी
कर्जे महाग!; रिझव्‍‌र्ह बँकेकडून रेपो दरात ०.३५ टक्क्यांनी वाढ