‘तारक मेहता का उलटा चष्मा’च्या सेटवर युनिटमधील सदस्याचा मृत्यू

सब वाहिनीवरील प्रसिद्ध मालिका तारक मेहता का उलटा चष्माच्या सेटवर एक दुःखद घटना घडली. या मालिकेच्या युनिटमधील अरविंद मरचंदे यांचा सेटवरचं मृत्यू झाल्याने दोन दिवस या मालिकेचे चित्रीकरण बंद ठेवण्यात आले आहे. हृदयविकाराच्या झटक्याने अरविंद यांचे ३० जूनला निधन झाले.
मुख्य प्रॉडक्शन कंट्रोलर असलेले अरविंद यांना चित्रीकरण सुरु असातानाच अचानक छातीत दुखू लागले. आपल्याला अपचनामुळे असा त्रास होत असल्याचे समजून अरविंद यांनी दुखण्याकडे दुर्लक्ष केले. मात्र, काही वेळातचं त्यांना अधिक तीव्रतेने छातीत कळा मारू लागल्याने ते जमिनीवर कोसळले. त्यानंतर त्यांना लगेचच जवळच्या रुग्णालयात दाखल करण्यात आले. मात्र तेथे त्यांना मृत घोषित करण्यात आले. अरविंद यांच्या निधनानंतर तातडीने शूटिंग थांबवण्यात आले.