‘बिग बॉस’ फेम शालिन भानोतची पूर्वाश्रमीची पत्नी दलजीत कौर दुसऱ्यांदा विवाहबंधनात अडकली आहे. दलजितने निक पटेलबरोबर लग्नगाठ बांधली आहे. दलजीतने इन्स्टाग्रामवर लग्नाचे फोटो शेअर केले आहेत.
कुटुंबीय व मित्रपरिवाराच्या उपस्थितीत दलजित व निकचं लग्न थाटामाटात पार पडलं. लग्नाआधी दलजितच्या हळदी, संगीत व मेहेंदी कार्यक्रमाचे फोटोही सोशल मीडियावर व्हायरल झाले होते. लग्नासाठी दलजितने पांढऱ्या रंगाचा डिझायनर लेहेंगा परिधान केला होता. लाल रंगाची ओढणी व मॅचिंग ज्वेलरीने दलजितने खास लूक केला होता. तर निकही पांढऱ्या रंगाच्या शेरवानीमध्ये राजबिंडा दिसत होता.
हेही वाचा>> “नातेवाईक हा प्रकारच मला नकोसा वाटतो” प्रसाद ओकचं वक्तव्य, म्हणाला “माझ्या पत्नीने…”
हेही वाचा>> प्रसिद्ध अभिनेत्रीच्या आईने लेकीच्या लग्नात जावयाकडे मागितलेले तब्बल पाच लाख रुपये, नेमकं काय घडलं होतं?
दलजीतने २००९ साली अभिनेता शालिन भानोतशी लग्नगाठ बांधली होती. दलजित व शालिन २००६ मध्ये पहिल्यांदा एकमेकांना भेटले होते. तीन वर्षांच्या डेटिंगनंतर विवाहबंधनात अडकून त्यांनी नव्या आयुष्याला सुरुवात केली होती. परंतु, अवघ्या सहा वर्षांतच त्यांचा संसार मोडला. २०१५ साली घटस्फोट घेत दलजित व शालीन वेगळे झाले. त्यांना जेडन हा मुलगा आहे.
हेही वाचा>> ३० वर्षांनंतर ‘माहेरची साडी २’ येणार? चित्रपटाच्या सिक्वेलबाबत अलका कुबल म्हणाल्या, “मला…”
दलजीतप्रमाणेच निकचंही हे दुसरं लग्न आहे. निक व दलजीत एका फायनान्स कंपनीमध्ये काम करतात. तिथेच त्यांची ओळख झाली. आता विवाहबंधनात अडकून त्या दोघांनीही नवीन आयुष्याला सुरुवात केली आहे. निकला पहिल्या पत्नीपासून दोन मुली आहेत.