uddhav thackeray led shiv sena and shinde camp started preparations for dussehra rally zws 70 | Loksatta

गर्दी जमविण्यासाठी दोन्ही गटांकडून प्रयत्न ; दसरा मेळाव्याची  तयारी

गेले आठवडाभर चित्रफितीच्या माध्यमातून दोन्ही बाजूने परस्परांवर चिखलफेक केली जात आहे.

गर्दी जमविण्यासाठी दोन्ही गटांकडून प्रयत्न ; दसरा मेळाव्याची  तयारी
(संग्रहित छायाचित्र)

मुंबई : दसरा मेळाव्याची शिवसेना व शिंदे गटाने जय्यत तयारी सुरू केली आहे. जास्तीत जास्त गर्दी कशी होईल या दृष्टीने उभय बाजूने प्रयत्न केले जात आहेत. मेळाव्याच्या तयारीसाठी शिवसेनेने प्रसिद्ध केलेल्या चित्रफितीत शिंदे यांना लक्ष्य करण्यात आले, तर शिंदे गटाच्या चित्रफितीत बाळासाहेब ठाकरे यांच्या भाषणांचा हवाला देत शिवसेनेला टोला लगाविण्यात आला आहे.  दसरा मेळाव्याच्या तयारीसाठी शिवसेना भवनात बैठकांचे सत्र सुरू होते. पक्षाचे सचिव मिलिंद नार्वेकर यांनी शिवाजी पार्क मैदानात जाऊन तयारीची पाहणी केली. शिंदे गटानेही वांद्रे-कुर्ला संकुलातील सभास्थळी जोरदार तयारी सुरू केली आहे.

हवामान खात्याने गेल्या आठवडय़ात दसरा व त्याच्या आधी पावसाचा अंदाज व्यक्त केला होता. परिणामी दोन्ही गटांमध्ये अस्वस्थता होती; पण बुधवापर्यंत पाऊस नसल्याचा अंदाज आता हवामान विभागाने व्यक्त केल्याने शिवसेना व शिंदे गटाने सुटकेचा नि:श्वास टाकला आहे.  सभेच्या तयारीकरिता शिवसेनेच्या वतीने नवीन चित्रफीत सादर करण्यात आली. त्यात शिवसेना पक्षप्रमुख उद्धव ठाकरे यांच्या जुन्या भाषणांचा हवाला देण्यात आला आहे. ठाकरे कुटुंब संपविण्यास काही जण निघाले आहेत, असे उद्धव ठाकरे यांच्या भाषणाचा त्यात समावेश आहे. तर विश्वासदर्शक ठरावाच्या वेळी मुख्यमंत्री एकनाथ शिंदे यांनी विधानसभेत केलेल्या भाषणाची चित्रफीत शिंदे गटाचे प्रवक्ते नरेश म्हस्के यांनी प्रसिद्ध केली. त्यात अटलबिहारी वाजपेयी यांचे सरकार शरद पवार यांनी पाडले होते या बाळासाहेब ठाकरे यांच्या भाषणाचा उल्लेख करण्यात आला आहे.  गेले आठवडाभर चित्रफितीच्या माध्यमातून दोन्ही बाजूने परस्परांवर चिखलफेक केली जात आहे.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
१४७६ कोटींच्या अमली पदार्थ प्रकरणाचे धागेदोरे दक्षिण आफ्रिकेपर्यंत ; केरळमधील आयातदार कंपनीच्या व्यवस्थापकीय संचालकाला अटक

संबंधित बातम्या

धारावीचं टेंडर विशिष्ट व्यक्तीला मिळावं म्हणून सीमावाद पुढे आणला जातोय का? शरद पवार म्हणाले…
‘मेट्रो ३’ लवकरच मुंबईत धावणार; वाचा कशी ती…
कपिल शर्मा अडचणीत, खारफुटीची कत्तल केल्याप्रकरणी गुन्हा दाखल
विकासकाच्या घशात घातलेला माझगावमधील भूखंड सरकारीच
“माझे वडील हिंदू आणि आई मुस्लिम, मला माझ्या…,” नवाब मलिकांच्या ‘त्या’ आरोपांवर समीर वानखेडेंचं स्पष्टीकरण

व्हिडिओ

ताज्या बातम्या
चार वर्षांचा पदवी अभ्यासक्रम नव्या शैक्षणिक वर्षांपासून; उच्च आणि तंत्रशिक्षण विभागाचे निर्देश
राज्यात ३५ लोकसभा मतदारसंघांत भाजपचे बूथस्तरावर सशक्तीकरण; राष्ट्रीय पदाधिकाऱ्यांच्या बैठकीत आखणी
महिला संघाचा प्रशिक्षक रमेश पोवारची ‘एनसीए’मध्ये बदली!; ऋषिकेश कानिटकर फलंदाजी प्रशिक्षकपदी
कर्नाटकने डिवचले तरीही, जतमधील राजकारणी श्रेयवादात दंग
राज्यात पाच हजार बायोगॅस संयंत्रे उभारणार; केंद्राच्या योजनेचा कोल्हापूर, पुणे, नगरला सर्वाधिक लाभ