-
प्रसिद्ध उद्योगपती आणि रिलायन्स इंडस्ट्रीजचे प्रमुख मुकेश अंबानी यांची एकलुती एक मुलगी इशा अंबानीचा १२ डिसेंबर २०१८ रोजी पिरामल इंडस्ट्रीजच्या आनंद पिरामल यांच्याबरोबर विवाह झाला.
-
याच महिन्यात या विवाहाला दोन वर्ष पूर्ण झाली. मुकेश अंबानी यांनी आपल्या मुलीच्या लग्नात कुठलीही कमतरता ठेवली नाही. अत्यंत शाही पद्धतीने हा विवाह सोहळा पार पडला.
-
देश-विदेशातील अनेक नामवंत व्यक्ती या लग्नाला उपस्थित होत्या. बॉलिवूडच्या चंदेरी दुनियेतील अनेक स्टार्स या लग्नाला उपस्थित होते.
-
एका परिकथेप्रमाणेच या लग्नातील प्रत्येक गोष्ट जुळून आली होती. अगदी इशाच्या लग्नापासून ते रिसेप्शन पार्टीपर्यंत सारं काही डोळे दिपवून टाकणारं होतं.
-
बॉलिवूड शहेनशहा अमिताभ बच्चन आणि मिस्टर परफेक्शनिस्ट आमिर खान यांची सर्वाधिक चर्चा रंगल्याचं पाहाला मिळालं.
-
चाहत्यांच्या मनावर राज्य करणाऱ्या या दोन्ही दिग्गज कलाकारांनी इशाच्या लग्नात चक्क जेवणाच्या पंगतीमध्ये वाढप्याची भूमिका पार पाडली.
-
त्यांचा हा व्हिडिओदेखील चांगलाच व्हायरल झाला होता. पंगत वाढतांनाचे या सेलिब्रिटींचे व्हिडिओ पाहुन अनेकांनी त्यांना ट्रोलही केले.
-
मात्र अभिषेक ट्विटरच्या माध्यमातून ट्रोल करणाऱ्यांना या मागचं कारण सांगितलं असून हा लग्नातील एक विधी असल्याचं म्हटलं आहे.
-
गुजराती समाजातील लग्नामध्ये हा एक पारंपारिक विधी असतो. यामध्ये वधुपक्षातील लोक वरपक्षातील पाहुण्यांना स्वत: जेवण वाढतात. या विधीला ‘सज्जन घोट’ असं म्हणतात.
-
आम्ही इशाकडून होतो. इशाला आम्ही आमच्या कुटुंबातील मुलगी मानतो आणि त्यामुळेच अमिताभ बच्चन आणि आमिर खान यांनी पंगतीमध्ये पाहुण्यांना जेवण वाढलं, असे अभिषेकने सांगितले.
-
दरम्यान, अभिषेकने दिलेल्या या उत्तरामुळे अनेकांना पडलेल्या प्रश्नाचं उत्तर मिळाले.
-
मुकेश अंबानी यांच्या मुंबईतील अ‍ॅटीलिया येथे १२ डिसेंबर रोजी इशा अंबानी व आनंद पिरामल यांचा लग्नसोहळा संपन्न झाला.
-
त्याआधी इशा अंबानी आणि आनंद पिरामल यांची प्री-वेडिंग सेरेमनी उदयपूरमध्ये पार पडली. यावेळी अभिषेक बच्चन, ऐश्वर्या राय अशा सेलिब्रेटींनी यादरम्यान परफॉर्मन्स केला होता.
-
इशाकडे पाहिल्यानंतर साधी राहणी उच्च विचारसरणी याचा खऱ्या अर्थाने प्रत्यय येतो.
-
इशाला मित्र-मैत्रिणींसोबत वेळ घालवायला, पार्टी करण्याची आवड असल्याचं पाहायला मिळतं. शांत स्वभावाची असलेली इशा तिच्या आई-वडिलांचा कायम आदर करत असून त्यांच्या शब्दाबाहेर नाही असं सांगण्यात येतं.
Vaishnavi Hagawane Case: अखेर निलेश चव्हाणला नेपाळमधून अटक, पिंपरी- चिंचवड पोलिसांची कामगिरी…
