Photos : ‘सुख म्हणजे नक्की…’ मालिकेतील कलाकार ‘शमशेरा’ चित्रपटात साकारणार महत्त्वाची भूमिका

बॉलिवूड अभिनेता रणबीर कपूर मुख्य भूमिकेत असलेल्या ‘शमशेरा’ या चित्रपटाची सोशल मीडियावर जोरदार चर्चा सुरू आहे. चित्रपटाचा टीझर प्रदर्शित झाल्यापासूनच प्रेक्षकांमध्ये ‘शमशेराब’द्दल उत्सुकता होती. ‘शमशेरा’ चित्रपटातील कलाकारांचा फर्स्ट लूकही चाहत्यांच्या पसंतीस उतरला. रणबीर कपूर सोबतच अभिनेता संजय दत्त, अभिनेत्री वाणी कपूर चित्रपटात महत्त्वाच्या भूमिकेत दिसणार आहेत. ‘शमशेरा’ चित्रपट २२ जुलै रोजी प्रेक्षकांच्या भेटीला येणार आहे. बॉलिवूड सेलिब्रिटींची तगडी स्टार कास्ट असलेल्या ‘शमशेरा’मध्ये एक मराठमोळा अभिनेताही रणबीर कपूरसोबत स्क्रीन शेअर करताना दिसणार आहे. लोकप्रिय अभिनेते सुनील गोडसे ‘शमशेरा’ चित्रपटात दिसणार आहेत. पोस्ट शेअर करत त्यांनी याबद्दल माहिती दिली आहे. त्यांच्या या पोस्टवर चाहत्यांनी कमेंट करत शुभेच्छांचा वर्षाव केला आहे. सुनील गोडसेंनी अनेक मालिका, चित्रपटांतून काम करत प्रेक्षकांची मनं जिंकली आहेत. ‘राजा शिवछत्रपती’ मालिकेतील त्यांनी साकारलेली शाहिस्तेखानाची भूमिका प्रेक्षकांच्या पसंतीस उतरली होती. मराठीसोबतच हिंदी मालिका आणि चित्रपटातंही त्यांनी काम केलं आहे. नुकत्याच प्रदर्शित झालेल्या ‘रानबाझार’ वेब सीरिजमध्येही त्यांनी महत्त्वाची भूमिका साकारली आहे. सध्या स्टार प्रवाह वाहिनीवरील ‘सुख म्हणजे नक्की काय असतं’ मालिकेत ते दादासाहेबांच्या भूमिकेत आहेत. (सर्व फोटो : सुनिल गोडसे इन्स्टाग्राम) (हेही पाहा : ‘धर्मवीर’ चित्रपटात मंगेश देसाईंनी साकारलेला पत्रकार खऱ्या आयुष्यात कोण आहे माहितीये का?)