मिनाक्षी राठोड आणि कैलास वाघमारेच्या लेकीच्या नावाचा अर्थ आहे फारच खास, जाणून घ्या

‘सुखं म्हणजे नक्की काय असतं!’ या मालिकेत देवकीची भूमिका साकारणारी अभिनेत्री मिनाक्षी राठोड ही कायम विविध कारणांमुळे चर्चेत असते. मिनाक्षी राठोडने काही महिन्यांपूर्वी एका गोड मुलीला जन्म दिला. मिनाक्षी आणि अभिनेता कैलास वाघमारे यांना कन्यारत्न प्राप्त झाले आहे. त्यानंतर आता त्यांच्या लेकीचा नामकरण विधी पार पडला आहे. मिनाक्षी आणि कैलासला १० मे २०२२ रोजी कन्यारत्न प्राप्त झाले. त्यानंतर आता चार महिन्यांनी मिनाक्षी आणि कैलासने त्यांच्या बाळाचे नाव ठेवले आहे. मिनाक्षी राठोडने नुकतंच इन्स्टाग्रामवर एक पोस्ट शेअर केली आहे. यात तिने तिच्या लेकीच्या नामकरण विधीच्या सोहळ्याचे काही फोटो शेअर केले आहेत. मिनाक्षी आणि कैलासने त्यांच्या लेकीचे नाव 'यारा' असे ठेवले आहे. फोटो शेअर करताना दिलेल्या कॅप्शनमध्ये त्यांनी याबाबतचा खुलासा केला आहे. त्यांच्या लेकीचे नाव फारच वेगळे असून त्याचा अर्थही फारच खास आहे. 'यारा' या नावाचा अर्थ 'लहान फुलपाखरु' किंवा 'वॉटर लेडी' असा होता. अभिनेत्री मिनाक्षी राठोड ही ‘सुखं म्हणजे नक्की काय असतं!’ या मालिकेत देवकीची भूमिका साकारत होती. तिने प्रेग्नेंसीच्या काळातही मालिकेचे शूट केले होते. सध्या तिने या मालिकेतून ब्रेक घेतला आहे. मिनाक्षीचा पती कैलास वाघमारे हा देखील एक अभिनेता आहे. कैलासने ‘तान्हाजी’ या चित्रपटात चुलत्याची भूमिका साकारली होती. या चित्रपटातील त्याच्या भूमिकेमुळे तो घराघरात प्रसिद्ध झाला.